காவந்திஸ்ஸ யானையின் மரணம் தொடர்பான உண்மைகளை வெளிக்கொணர்வதுடன், இச்சம்பவத்துடன் தொடர்புடைய அனைத்துத் தரப்பினரும் தமது பொறுப்புகளை முறையாக நிறைவேற்றியுள்ளனரா என்பதை உறுதிப்படுத்தவும், அந்த யானைக்கு நீதியை நிலைநாட்டவும் நாடாளுமன்றத்தில் விசேட தெரிவுக்குழுவொன்றை நியமிக்குமாறு கோரிக்கை விடுக்கப்பட்டுள்ளது. இது தொடர்பில் சபாநாயகரிடம் பிரேரணையொன்றைக் கையளிக்க எதிர்க்கட்சி நாடாளுமன்ற உறுப்பினர்கள் தயாராகி வருகின்றனர். இதற்கமைய குறித்த பிரேரணையில் கையெழுத்திடும் நடவடிக்கை இன்று (21) நாடாளுமன்றத்தில் அமைந்துள்ள எதிர்க்கட்சித் தலைவர் அலுவலகத்தில் இடம்பெற்றது. இந்நடவடிக்கையில் எதிர்க்கட்சியைச் சேர்ந்த நாடாளுமன்ற உறுப்பினர்கள் பங்கேற்றனர்.

“ இனவாதம் தலைதூக்க இடமளிக்கமாட்டோம் எனக் கூறிக்கொண்டு இந்த அரசாங்கமே இனவாதம் பரப்பிவருகின்றது. பெரும்பான்மையின மக்களை ஒடுக்கி தாங்கள் இனவாதிகள் அல்ல என ஏனைய இன மக்களிடம் காண்பிக்க முற்படும் அணுகுமுறை தவறானது.” என்று ஸ்ரீலங்கா பொதுஜன பெரமுன கட்சியின் தேசிய அமைப்பாளர் நாமல் ராஜபக்ச தெரிவித்தார். நாடாளுமன்றத்தில் நேற்று உரையாற்றுகையிலேயே அவர் இவ்வாறு கூறினார். இது தொடர்பில் அவர் மேலும் கூறியவை வருமாறு “இனவாதத்தை தூண்டுவதற்கு இடமளிக்கமாட்டோம் எனக் கூறிக்கொண்டு இந்த அரசாங்கம் இனவாதத்தை தூண்டுகின்றது. […]