இந்தோனேசியாவில் ஹெலிகாப்டர் விபத்து – ஒருவர் உயிரிழப்பு
இந்தோனேசியாவில் ஹெலிகாப்டர் ஒன்று ஆற்றில் விழுந்து விபத்துக்குள்ளாகியுள்ளது.
தெற்கு கலிமந்தானில் காட்டுத்தீயை அணைக்கும் பணியின்போது இந்த விபத்து நேர்ந்ததாக தெரிவிக்கப்பட்டுள்ளது.
இதில் இந்தோனேசிய விமானப் பணியாளர் ஒருவர் உயிரிழந்துள்ளதாக அறிவிக்கப்பட்டுள்ளது.
அதேநேரத்தில் ஹெலிகாப்டரில் இருந்த மற்ற இருவர் பாதுகாப்பாக மீட்கப்பட்டு வைத்தியசாலையில் அனுமதிக்கப்பட்டுள்ளதாக இந்தோனேசியாவின் பேரிடர் தணிப்பு முகமை தெரிவித்துள்ளது.
விபத்து குறித்த விசாரணைகள் தொடர்ந்து நடைபெற்று வருவதாகவும், தீயணைப்புப் பணிகளைத் தொடரக்கூடும் என்றும் அந்த முகமை மேலும் தெரிவித்துள்ளது.
