ஜெர்மனியின் மின்மாற்றி துணை மின்நிலையத்தில் தீவிபத்து ஏற்பட்டுள்ளதாக காவல்துறை இன்று அறிவித்துள்ளது. அத்துடன் மற்றொரு மின்மாற்றி துணை மின்நிலையத்தின் பாதுகாப்பு வேலி வெட்டப்பட்டுள்ளதாகவும் கூறப்படுகிறது. இதனைத் தொடர்ந்து காவல்துறை மிகப் பெரிய அளவில் மதிப்பீட்டு நடவடிக்கைகளை ஆரம்பித்துள்ளதாக கூறப்படுகிறது. மேற்படி மின்மாற்றியில் இடம்பெற்ற தீவிபத்து தற்செயலாக நடந்ததா அல்லது திட்டமிட்ட செயலா என்பது தொடர்பில் காவல்துறையினர் தீவிர விசாரணைகளை முன்னெடுத்து வருவதாக அறிவிக்கப்பட்டுள்ளது.  

ஜெர்மனியின் சாக்சோனி மாநிலத்தில் 21 வெடிகுண்டுகள் கண்டுப்பிடிக்கப்பட்டுள்ளதாக அறிவிக்கப்பட்டுள்ளது. மின்சாரக் கட்டமைப்பு மீதான தாக்குதல்கள் குறித்த விசாரணைகளின் ஒரு பகுதியாக மேற்கொள்ளப்பட்ட தேடுதல் நடவடிக்கையில் இந்த வெடிகுண்டுகள் கண்டுப்பிடிக்கப்பட்டுள்ளதாக தெரிவிக்கப்பட்டுள்ளது. அரசு வழக்கறிஞர்கள் இன்று இந்த தகவல்களை வெளியிட்டுள்ளனர். இதற்கமைய கிழக்கு ஜெர்மனியின் கோர்லிட்ஸ் Goerlitz மாவட்டத்தில் உள்ள கிராஸ்டீன் Graustein துணை மின் நிலையத்திற்கு தெற்கே உள்ள உயர் அழுத்த மின் கம்பிகளுக்கு அருகே, கையால் செய்யப்பட்ட 09 வெடிகுண்டுகள் மீட்கப்பட்டதாக கூறப்படுகிறது. இது தொடர்பான […]