பயங்கரவாதத்திலிருந்து அரசைப் பாதுகாக்கும் சட்டமூலம் நீதி அமைச்சர் ஹர்ஷன நாணயக்காரவால் நாடாளுமன்றத்தில் இன்று சமர்ப்பிக்கப்பட்டது. நீதியமைச்சர் ஹர்ஷன நாணயக்கார இன்று காலை நாடாளுமன்றத்தில் இந்த சட்டமூலத்தை முன்வைத்துள்ளார். 1979-ஆம் ஆண்டு இயற்றப்பட்ட பயங்கரவாதத் தடுப்புச் சட்டத்தை இரத்து செய்து, பயங்கரவாதம் தொடர்பான குற்றங்களைக் கையாள்வதற்காக ஒரு புதிய சட்டக் கட்டமைப்பை அறிமுகப்படுத்தும் வகையில், இந்த சட்டமூலம் முன்வைக்கப்பட்டுள்ளது.

யாழ்ப்பாணத்தில் இளம் குடும்பப் பெண் கத்தியால் வெட்டி படுகொலை செய்யப்பட்டமை தொடர்பில் தடயவியல் பொலிஸார் தீவிரமாக விசாரணைகளை முன்னெடுத்துள்ளனர். யாழ்ப்பாணம், நல்லூர் கோவில் வீதியில் உள்ள வீடொன்றினுள் அத்துமீறி நுழைந்து , சமையல் கலைஞரான ஒரு பிள்ளையின் தாயாரைக் கத்தியால் வெட்டிக் படுகொலை செய்துவிட்டு, தாயாரையும் காயப்படுத்திவிட்டுத் தப்பியோடிய இளைஞர் ரயில் முன்பாய்ந்து தற்கொலை செய்துகொண்டுள்ளார். இந்தச் சம்பவத்தில் யாழ்ப்பாணத்தைச் சேர்ந்த சமையல் கலைஞரான ஆன் லக்ஷா இக்னேஷியஸ் (வயது 32) என்ற ஒரு பிள்ளையின் தாயாரே […]

யாழ்ப்பாணம் – தென்மராட்சிப் பகுதியில் இன்று இடம்பெற்ற விபத்தில் மோட்டார் சைக்கிளில் பயணித்த பெண் அபிவிருத்தி உத்தியோகத்தர் ஒருவர் சம்பவ இடத்திலேயே உயிரிழந்துள்ளார். மீசாலை – புத்தூர் சந்திப் பகுதியில் டிரக்கரும் மோட்டார் சைக்கிளும் ஒன்றுக்கொன்று மோதியதிலேயே இந்த விபத்து சம்பவித்துள்ளது. விபத்தில் மோட்டார் சைக்கிளைச் செலுத்திச் சென்ற அபிவிருத்தி உத்தியோகத்தரான சோபிதா (வயது 36) என்பவரே சம்பவ இடத்திலேயே பரிதாபமாக உயிரிழந்தார். இது தொடர்பான மேலதிக விசாரணைகளைக் கொடிகாமம் பொலிஸார் முன்னெடுத்து வருகின்றனர்.

பயங்கரவாதத்திலிருந்து அரசைப் பாதுகாக்கும் சட்டமூலத்திற்கு எதிராக இலங்கை உழைக்கும் ஊடகவியலாளர்கள் சங்கமும், சமூக ஊடக வெளிப்பாட்டுக்கான கூட்டமைப்பும் இணைந்து இன்று (06) முற்பகல் பத்தரமுல்ல பொல்தூவ சந்திக்கு அருகில் ஆர்ப்பாட்டத்தை முன்னெடுத்தன. அரசாங்கம் மீளப்பெற வேண்டும் என இதன்போது வலியுறுத்தப்பட்டது. இந்தப் போராட்டத்தில் முன்னாள் நாடாளுமன்ற உறுப்பினரும் ஜனாதிபதி சட்டத்தரணியுமான எம்.ஏ. சுமந்திரன், யுக்திய பத்திரிகையின் முன்னாள் ஆசிரியரும் சிரேஷ்ட ஊடகவியலாளருமான சுனந்த தேசப்பிரிய, இலங்கை ஆசிரியர் சங்கத்தின் செயலாளர் ஜோசப் ஸ்டாலின் உள்ளிட்டோரும் பங்கேற்றிருந்தனர்.