இலங்கையில் நகரங்களுக்கு இடையிலான மற்றும் நீண்ட தூரப் போக்குவரத்து சேவைகளை மேம்படுத்துவதற்காக, இலங்கை போக்குவரத்து சபைக்கு (SLTB) 600 ஆடம்பர குளிரூட்டப்பட்ட (Air-Conditioned Deluxe) பஸ்களைக் கொள்வனவு செய்வதற்கு அமைச்சரவை அனுமதி வழங்கியுள்ளது. அரசாங்கத்தின் 2026 முதலீட்டுத் திட்டத்தின்கீழ், 49 முதல் 54 வரையிலான ஆசனத் திறனைக் கொண்ட 600 சாதாரண பஸ்களைக் கொள்வனவு செய்வதற்காக 14.4 பில்லியன் ரூபாயை ஒதுக்குவதற்கு முன்னர் எடுக்கப்பட்ட தீர்மானம் இதன் மூலம் திருத்தப்பட்டுள்ளது. நீண்ட தூரப் பாதைகளில் பயன்படுத்தப்படும் பஸ்களுக்கான […]

கொழும்பு மாவட்டம், ஹோமாகம, கட்டுவான தொழிற்பேட்டையில் அமைந்துள்ள தலைக்கவசம் உற்பத்தி தொழிற்சாலையொன்றில் இன்று (21) ஏற்பட்ட தீ விபத்தில் ஐவர் பலியாகியுள்ளனர். ஹோமாகம பொலிஸார் இந்த தகவலை உறுதிப்படுத்தினர தீ விபத்தின்போது தொழிற்சாலைக்குள் 80 பேர்வரை இருந்துள்ளனர். தீயை அணைப்பதற்குரிய முயற்சி இடம்பெற்றுவருகின்றது. 12 தீயணைப்பு வாகனங்கள் இந்நடவடிக்கையில் ஈடுபடுத்தப்பட்டுள்ளன. தீ விபத்துக்கான காரணம் இன்னும் கண்டறியப்படவில்லை. விசாரணை இடம்பெற்றுவருகின்றது.

வெலிக்கடை சிறைக்கலவரத்தில் படுகொலை செய்யப்பட்ட தமிழ் ஈழ விடுதலை இயக்கத்தின் (ரெலோ) முன்னாள் தலைவர் தங்கத்துரை மற்றும் முன்னாள் செயலதிபர் குட்டிமணி ஆகியோரின் உருவச்சிலை திறப்பு விழாவை ஏற்பாடு செய்திருந்த கந்தசாமி சதீஸ், நேற்று திங்கட்கிழமை வல்வெட்டித்துறை பொலிஸாரால் கைது செய்யப்பட்டு பின்னர் பிணையில் விடுவிக்கப்பட்டுள்ளார். வல்வெட்டித்துறையில் எதிர்வரும் 25 ஆம் திகதி மேற்படி உருவச்சிலைகளைத் திறந்து வைப்பதற்கான ஏற்பாடுகள் இடம்பெற்று வந்தன. இதன்போது, ஏற்பாட்டுக் குழுவில் ஒருவரான வல்வெட்டித்துறை நகர சபையின் முன்னாள் உப தவிசாளர் […]