ட்ரம்பின் அணுவாயுத குறைப்பு திட்டம் – அதிருப்தியில் சீனா

சீனாவில் அடுத்த வாரம் நடைபெறவுள்ள சந்திப்பொன்றில் அமெரிக்க ஜனாதிபதி டொனால்ட் ட்ரம்ப், சீன ஜனாதிபதி மற்றும் ரஷ்ய ஜனாதிபதியுடன் அணுவாயுத குறைப்பு தொடர்பில் கலந்துரையாடுவார் என வெள்ளை மாளிகை அறிவித்துள்ளது.

நவம்பர் 19 ஆம் திகதி இந்த சந்திப்பு நடைபெறவுள்ளது.

இதன்போது “உலக அளவில் அணு ஆயுதங்களைக் குறைப்பது குறித்து அவர் விவாதிப்பார் எனக் குறிப்பிடப்பட்டுள்ளது.

அணு ஆயுதங்களின் பெருக்கம் மிகவும் ஆபத்தானது என்று ட்ரம்ப் கருதுவதாகவும், வெள்ளை மாளிகை செய்தித் தொடர்பாளர் ஒலிவியா குறிப்பிட்டுள்ளார்.

இதற்கிடையே ட்ரம்பின் இந்த கூற்றால் சீனா அதிருப்தி அடைந்துள்ளதாகவும் கூறப்படுகிறது.

உலகின் மிகப்பெரிய அணு ஆயுதக் கையிருப்புகளைக் கொண்ட ரஷ்யா மற்றும் அமெரிக்காவுடன், அணு ஆயுதங்கள் குறித்துப் பேசுவதற்கான முயற்சிகளை சீனா நிராகரித்து வந்துள்ளமையும் குறிப்பிடத்தக்கது.