சீன மற்றும் ரஷ்ய ஜனாதிபதிகளுக்கு நன்றி – ட்ரம்ப்
ஈரானுடனான போரின்போது சீன அதிபர் ஷி ஜின்பிங் மற்றும் ரஷ்ய அதிபர் விளாடிமிர் புதின் ஆகியோர் “நடுநிலையாக” இருந்ததாக ட்ரம்ப் தெரிவித்துள்ளார்.
தெஹ்ரானின் அணுசக்தி லட்சியங்களைக் கட்டுப்படுத்தும் தனது முயற்சிகளை அவர்கள் தடுக்கவில்லை என்றும் அவர் கூறினார்.
இது தொடர்பில் மேலும் கருத்து வெளியிட்ட ட்ரம்ப், “நான் அவர்களுக்கு நன்றி சொல்ல விரும்புகிறேன், ஏனென்றால் அவர்கள் நிலைமையை மிகவும் சிறப்பாக மாற்றினார்கள்” எனத் தெரிவித்துள்ளார்.
இதேவேளை ஈரானால் தடுக்கப்பட்ட கடல்வழி வர்த்தகப் பாதையான ஹோர்முஸ் ஜலசந்தியைத் திறப்பதற்கான இராணுவ நடவடிக்கைக்கோ அல்லது அதைத் தொடர்ந்த முயற்சிகளுக்கோ உதவாததற்காக ஜப்பான் முதல் ஐரோப்பா வரையிலான அமெரிக்க நட்பு நாடுகளை அவர் விமர்சித்திருந்தமையும் குறிப்பிடத்தக்கது.
