குடியேற்ற அமைப்பை கடுமையாக்கும் பிரித்தானியா – புதிய சீர்த்திருத்தங்கள் அறிவிப்பு

பிரித்தானியா தனது குடியேற்ற அமைப்பில் புதிய சீர்த்திருத்தங்களை இன்று  அறிவித்துள்ளது.

புதிய சீர்த்திருத்தங்களின்படி,  சில புலம்பெயர்ந்தோர் குடியேறுவதற்கு முன்பு 10 ஆண்டுகள் அல்லது அதற்கும் மேலாகக் காத்திருக்க வேண்டும் எனத் தெரிவிக்கப்பட்டுள்ளது.

பிரித்தானியா ஐரோப்பிய ஒன்றியத்திலிருந்து  வெளியேறியதைத் தொடர்ந்து, சட்டவிரோத புலம்பெயர்வோரின் எண்ணிக்கை பெருமளவில் அதிகரித்துள்ளமையால் குடியேற்ற அமைப்பை கடுமையாக உள்துறை அமைச்சு நடவடிக்கை எடுத்துள்ளது.

இந்த கடுமையான கட்டுப்பாடுகளுக்கு தொழிற்சங்கங்கள் மற்றும் ஆளும் தொழிலாளர் கட்சியின் சில பிரிவுகள் எதிர்ப்பு தெரிவித்துள்ளனர்.

இதன் விளைவாக, உள்துறை அமைச்சர் ஷபானா மஹ்மூத், சுகாதாரம் மற்றும் பராமரிப்புத் துறையில் பணிபுரிபவர்களுக்கான நிலையான தகுதிக்காலத்தை 10 ஆண்டுகளில் இருந்து 5 ஆண்டுகளாகத் தளர்த்தினார்.

அதிக வருமானம் ஈட்டுபவர்களுக்கு மூன்று ஆண்டுகளில் குடியேறும் உரிமை வழங்கப்படும் அதே வேளையில், கால்வாய் வழியாகச் சிறிய படகுகளில் வருபவர்களுக்கு மிகக் கடுமையான கட்டுப்பாடுகள் விதிக்கப்பட்டுள்ளன.

மேலும் உயர் தர ஆங்கிலம், குற்றப் பதிவு இல்லாதிருத்தல் மற்றும் தேசிய காப்பீட்டுக் கட்டணத்தைச் செலுத்தியதற்கான பதிவு போன்ற சில தகுதிகளைப் பூர்த்தி செய்தால், பராமரிப்புத் துறையில் உள்ள தொழிலாளர்கள் ஐந்து ஆண்டுகளுக்குப் பிறகும் விண்ணப்பிக்க முடியும் எனத் தெரிவிக்கப்பட்டுள்ளது.

அத்துடன் £125,000 (S$214,349) க்கும் அதிகமாக சம்பாதிப்பவர்கள் அல்லது குறிப்பிட்ட விசாக்களைக் கொண்டவர்கள் மூன்று ஆண்டுகளில் குடியேற முடியும். சிறிய படகு மூலம் சட்டவிரோதமாக வருபவர்கள் 30 ஆண்டுகள் வரை காத்திருக்க வேண்டும்.