ஸ்பெயின் கேனரி தீவுகளில் 07 புலம்பெயர்ந்தோரின் சடலங்கள் மீட்பு

ஐரோப்பிய நாடுகளில் இலையுதிர் காலம் ஆரம்பமாகியுள்ள நிலையில் சட்டவிரோத படகு பயணங்கள் அதிகரித்துள்ளன.

இந்நிலையில் கடந்த சில நாட்களாக புலம்பெயர்ந்தோரின் படகுகள் விபத்துக்குள்ளாகியுள்ளதில் பலர் உயிரிழந்துள்ளதாகவும் சுட்டிக்காட்டப்பட்டுள்ளது.

அந்தவகையில் ஸ்பெயினின் கேனரி தீவுகளின் கடற்கரையில் குறைந்தது ஏழு புலம்பெயர்ந்தோரின் சடலங்கள் மீட்கப்பட்டுள்ளதுடன், 380-க்கும் மேற்பட்டோர் பாதுகாப்பாக மீட்கப்பட்டதாக குறிப்பிடப்பட்டுள்ளது.

மேலும் இன்றைய தினம் லான்சரோட் Lanzarote மற்றும் எல் ஹியரோ El Hierro  கடற்கரைகளில் மேலும் 250 புலம்பெயர்ந்தோர் பாதுகாப்பாக மீட்கப்பட்டதாக அறிவிக்கப்பட்டுள்ளது.

புலம்பெயர்ந்தோரின் வருகை  அக்டோபர் மாதத்தில்   கணிசமாக அதிகரித்த போதிலும்,   கடந்த ஆண்டுடன் ஒப்பிடுகையில் 18 சதவீதம் குறைந்துள்ளதாகவும் அதிகாரிகள் தெரிவித்துள்ளனர்.