அணுவாயுத ஒழிப்பு தொடர்பில் சீனா மற்றும் ரஷ்ய ஜனாதிபதிகளுடன் பேச்சு – ட்ரம்ப் திட்டவட்டம்

சீனாவில் நடைபெறவுள்ள ஆசிய-பசிபிக் பொருளாதார ஒத்துழைப்பு (APEC) உச்சிமாநாட்டில், சீன ஜனாதிபதி ஷி ஜின்பிங் மற்றும் ரஷ்ய  ஜனாதிபதி  விளாடிமிர் புதின் ஆகியோரைச் சந்திக்க வாய்ப்புள்ளதாக அமெரிக்க ஜனாதிபதி டொனால்ட் ட்ரம்ப் தெரிவித்துள்ளார்.

இதன்போது ஈரானில் நிலவும் போரை முடிவுக்குக் கொண்டு வருவது மற்றும் அணு ஆயுத ஒழிப்பு குறித்து விவாதிப்பேன் என்றும் அவர் குறிப்பிட்டுள்ளார்.

புளோரிடாவிலிருந்து வொஷிங்டனுக்குத் திரும்புவதற்கு முன்னதாக செய்தியாளர்களிடம் பேசிய ட்ரம்ப் இவ்வாறு தெரிவித்துள்ளார்.

இதன்போது மேலும் தெரிவித்த அவர், நவம்பர் 18-19 ஆம் திகதிகளில் சீனாவின் ஷென்செனில் நடைபெறவுள்ள APEC உச்சிமாநாட்டில் பங்கேற்கச் செல்லவிருப்பதாகக் உறுதிப்படுத்தினார்.

இதேவேளை அணு ஆயுத ஒழிப்பை மையமாகக் கொண்டு, ஷி மற்றும் புதினுடன் முத்தரப்பு ஆயுதக் கட்டுப்பாட்டுப் பேச்சுவார்த்தைகளை நடத்தத் தான் தயாராக இருப்பதாக ட்ரம்ப் கடந்த ஒக்டோபர் மாதமே தெரிவித்திருந்தமையும் குறிப்பிடத்தக்கது.