அமெரிக்கா, இஸ்ரேலின் பயங்கரவாதத்திற்கு ஈரான் மக்கள் பலியாகினர் – பெசெஷ்கியன்
அமெரிக்கா மற்றும் இஸ்ரேல் ஆகியவற்றின் பயங்கரவாதத்திற்குத் தங்கள் நாட்டு மக்கள் பலியாகியுள்ளதாக ஈரான் ஜனாதிபதி மசூத் பெசெஷ்கியன் தெரிவித்துள்ளார்.
ஐக்கிய நாடுகள் பொதுச் சபையில் ஆற்றிய போர்கால உரையில் அவர் இவ்வாறு தெரிவித்துள்ளார்.
இதன்போது மேலும் தெரிவித்த அவர், “நாங்கள் எங்களை தற்காத்துக்கொண்டோம் மட்டுமே; நாங்கள் பயங்கரவாதிகள் அல்ல,” என்று தெரிவித்தார்.
“எங்கள் நாட்டின் மீது திணிக்கப்பட்ட கோழைத்தனமான தாக்குதல்களுக்கும் ஆக்கிரமிப்புகளுக்கும் எங்கள் அப்பாவி மக்கள் இலக்காகினர். அதற்கு எதிராக நாங்கள் மிகுந்த வலிமையுடன் எங்களைத் தற்காத்துக்கொண்டோம் எனவும் அவர் கூறினார்.
மோதலை முடிவுக்குக் கொண்டுவருவதற்கான ஒப்பந்தம் எட்டப்படாவிட்டால் இஸ்லாமியக் குடியரசை (ஈரானை) முற்றிலுமாக அழித்துவிடுவேன் என்று அமெரிக்க ஜனாதிபதி டொனால்ட் ட்ரம்ப் எச்சரிக்கை விடுத்ததை தொடர்ந்து ஈரான் ஜனாதிபதியின் இந்த கருத்துக்கள் வந்துள்ளன.
