பேரழிவை சந்தித்து வரும் நேபாளம் – சீரற்ற வானிலையால் 30 பேர் உயிரிழப்பு

ஆகஸ்ட் மாதம் ஏற்பட்ட பேரழிவு வெள்ளத்தை தொடர்ந்து நேபாளம் கனமழை மற்றும் நிலச்சரிவுகளால் பெரிதும் பாதிக்கப்பட்டுள்ளது.

தற்போது கிடைக்கப்பெற்ற  தகவல்களின்படி, இதுவரை சுமார் 30 பேர் உயிரிழந்துள்ளதாக தெரிவிக்கப்பட்டுள்ளது.

நாட்டின் தேசிய பேரிடர் மேலாண்மை ஆணையத்தின்படி, கடந்த வார இறுதி முதல் 1,900-க்கும் மேற்பட்ட குடும்பங்கள் பாதிக்கப்பட்டுள்ளன, மேலும் 240-க்கும் மேற்பட்ட வீடுகள் சேதமடைந்துள்ளன.

அதுமட்டுமின்றி, பல சாலைகள், கட்டிடங்கள் மற்றும் பாலங்களும் வெள்ளத்தில் அடித்துச் செல்லப்பட்டுள்ளன.

இந்த அனர்த்த சூழலானது நேபாளத்தின் பொருளாதாரத்தில் பெரும் தாக்கத்தை ஏற்படுத்துவதாக சுட்டிக்காட்டப்பட்டுள்ளது.