முல்லைத்தீவு நீதிபதிக்கு ஆதரவாக நீதிமன்ற நடவடிக்கைகளை புறக்கணித்து சட்டத்தரணிகள் போராட்டங்களை முன்னெடுத்திருந்த நிலையில், இன்று (10.10) நீதிமன்ற நடவடிக்கைகள் வழமைபோல் ஆரம்பமாகியுள்ளன. வட மாகாணம், கிழக்கு மாகாணத்திலுள்ள சட்டத்தரணிகளுடன் கொழும்பிலுள்ள சட்டத்தரணி களும் நேற்று போராட்டத்தில் கலந்து கொண்டனர். இந்த போராட்டத்தைத் தொடர்ந்து, இதுவரை நீதிமன்ற பணிப்புறக்கணிப்பில் ஈடுபட்ட வடக்கு சட்டத்தரணிகள் அனைவரும் இன்று முதல் பணிக்கு திரும்ப தீர்மானித்துள்ளதாக யாழ்ப்பாணம் சட்டத்தரணிகள் சங்கத் தலைவர் பா.தவபாலன் தெரிவித்தார். அதேபோல் யாழ்ப்பாணம், கிளிநொச்சி, முல்லைத்தீவு, மன்னார், வவுனியா […]

வெள்ளம் தொடர்பாக விடுக்கப்பட்ட இரண்டு எச்சரிக்கைகளை நீக்க நீர்ப்பாசன திணைக்களம் நடவடிக்கை எடுத்துள்ளது. இதன்படி, குடா கங்கை உபகுழி மற்றும் அத்தனகலு ஓயா குளத்திற்கு விடுக்கப்பட்ட வெள்ள அபாய எச்சரிக்கை நீக்கப்பட்டுள்ளதாக திணைக்களம் விடுத்துள்ள அறிக்கையில் தெரிவிக்கப்பட்டுள்ளது.

காலி மற்றும் மாத்தறை மாவட்டங்களில் உள்ள அனைத்து அரச பாடசாலைகளும் நாளை (11.10) முதல் திறக்கப்படும் என தென் மாகாண கல்வி செயலாளர் தெரிவித்துள்ளார். மோசமான வானிலை காரணமாக அந்த மாவட்டங்களில் உள்ள அனைத்து பள்ளிகளையும் இரண்டு நாட்களுக்கு மூட சமீபத்தில் முடிவு செய்யப்பட்டது. அதன்படி, அந்த மாவட்டங்களில் உள்ள அனைத்துப் பள்ளிகளுக்கும் நேற்றும் (09) இன்றும் (10) விடுமுறை அளிக்கப்பட்டது. தென் மாகாணத்தில் மழை சற்று குறைவடைந்துள்ளதால் பாடசாலைகளை மீளவும் திறக்க முடிவு செய்யப்பட்டுள்ளது.

வவுனியா, வெளிக்குளம் பகுதியில் இடம்பெற்ற வாகன விபத்தில் பொலிஸ் விசேட அதிரடிப்படை வீரர்கள் இருவர் உயிரிழந்துள்ளனர். மேலும் அங்கு பயணித்த 5 இராணுவத்தினர் காயமடைந்துள்ளதாகவும் வவுனியா பொலிஸார் தெரிவித்தனர். இந்த விபத்து நேற்று (09.10) இரவு 9.30 மணியளவில் இடம்பெற்றுள்ளது. மழையின் போது பொலிஸ் விசேட அதிரடிப்படை ஜீப் ஒன்று வீதியில் சென்ற கறவை மாடு ஒன்றின் மீது மோதியதில் சாரதியின் கட்டுப்பாட்டை இழந்த ஜீப் வீதியை விட்டு விலகி சுவரில் மோதி விபத்துக்குள்ளானதாக பொலிஸார் தெரிவித்தனர். […]

வாகனங்கள் தவிர்ந்த ஏனைய பொருட்களுக்கு விதிக்கப்பட்டுள்ள இறக்குமதி தடை நேற்று  (09.10) நள்ளிரவு முதல் நீக்கப்பட்டுள்ளது. இது குறித்த அறிவிப்பை  நிதி இராஜாங்க அமைச்சர்  ரஞ்சித் சியம்பலாபிட்டிய வெளியிட்டுள்ளார். வாகனங்கள் தவிர இறக்குமதி செய்யப்படும் பொருட்களுக்கு விதிக்கப்பட்ட கட்டுப்பாடுகள் அக்டோபரில் நீக்கப்படும் என்றும், இது விலை ஸ்திரத்தன்மைக்கு உதவும் என்றும் கடந்த செப்டம்பர் மாதம் நிதி இராஜாங்க அமைச்சர் தெரிவித்திருந்தார். இதற்கமைய  தேவைக்கு ஏற்ப போதுமான வரத்து இல்லாததால், சில பொருட்களின் விலையில் அதிகரிப்பு காணப்படுவதாக அவர் […]