சுகாதார தொழிற்சங்கங்ள் முன்னெடுத்துள்ள தொழிற்சங்க நடவடிக்கை காரணமாக, நாடளாவிய ரீதியில் பல வைத்தியசாலைகளின் அன்றாடப் பணிகள் ஸ்தம்பிதமடைந்துள்ளன. இதன் காரணமாக பதுளை பொது வைத்தியசாலையின் கடமைகளை ஈடுசெய்ய இராணுவத்தினர் அழைக்கப்பட்டுள்ளனர்.வைத்தியர்கள், தாதியர்களின் சேவைகள் மற்றும் மருந்து விநியோகம் என்பன வழமை போன்று இடம்பெற்றதாகவும் தெரிவிக்கப்படுகிறது. வைத்தியசாலையின் கனிஷ்ட நிலை ஊழியர்கள் இரவுப் பணியை முடித்துக் கொண்டு வெளியேறியதாகவும், எஞ்சிய ஊழியர்கள் கடமைக்கு சமூகமளிக்கவில்லை எனவும் வைத்தியசாலைப் பணிப்பாளர் வைத்தியர் பாலித ராஜபக்ஷ தெரிவித்தார். எனினும், அவசர சிகிச்சைச் […]

காசா பகுதியில் இஸ்ரேல் நடத்திய தாக்குதலில் உயிரிழந்தவர்களின் எண்ணிக்கை 23,000ஐ தாண்டியுள்ளது. கடந்த ஆண்டு ஒக்டோபர் மாதம் 7ஆம் திகதி முதல் மேற்கொள்ளப்பட்ட தாக்குதல்களில் 23,357 பாலஸ்தீனியர்கள் உயிரிழந்துள்ளதாக வெளிநாட்டு ஊடகங்கள் தெரிவிக்கின்றன. மேலும், தாக்குதல்களில் 59,410 பேர் காயமடைந்துள்ளனர். இதேவேளை, கடந்த 24 மணித்தியாலங்களில் இஸ்ரேலியப் படைகளின் தாக்குதல்களில் 147 பாலஸ்தீனியர்கள் கொல்லப்பட்டதாகவும் மேலும் 243 பேர் காயமடைந்துள்ளதாகவும் வெளிநாட்டு ஊடகங்கள் செய்தி வெளியிட்டுள்ளன.

வற் வரி காரணமாக பயன்படுத்தப்பட்ட வாகனங்களின் விலை அதிகரிக்கப்படவுள்ளது. அதற்கமைய, வாகனங்களின் விலை 18% அதிகரிக்க உள்ளதாக தெரிவிக்கப்பட்டுள்ளது. இலங்கை மோட்டார் வர்த்தகர்கள் சங்கத்தின் தலைவர் இதனை தெரிவித்துள்ளார். மேலும், மகிழுந்து உதிரிபாகங்களுக்கு 15% ஆக இருந்த வற் 18% ஆக அதிகரிக்கப்பட்டுள்ளது. உதிரிபாகங்களின் விலையும் அதிகரித்துள்ளதாகவும் அவர் மேலும் தெரிவித்துள்ளார்.

ஹிகுராக்கொட நெல்லி வீதியில் வீடொன்றில் சுவர் இடிந்து வீழ்ந்ததில் 23 வயதுடைய ஒரு பிள்ளையின் தாய் உயிரிழந்துள்ளதாக பொலிஸார் தெரிவித்துள்ளனர். ஒரு பிள்ளையின் தாயான ரசிகா சாமோதனி என்பவரே உயிரிழந்துள்ளார். மேலும் இருவர் காயமடைந்து பொலன்னறுவை பொது வைத்தியசாலையில் அனுமதிக்கப்பட்டுள்ளதாக பொலிஸார் தெரிவித்துள்ளனர். ஒரு வயதுடைய மகளும் அவரது கணவரும் வைத்தியசாலையில் அனுமதிக்கப்பட்டுள்ளதாக பொலிஸார் தெரிவிக்கின்றனர். கனமழையின் போது களிமண் சுவர் இடிந்து விழுந்ததில் அவர் உயிரிழந்தார்.