£123 மில்லியன் மெகா ஒப்பந்தம்: PSG நட்சத்திரம் பர்கோலாவை வளைத்துபோட்டது Liverpool
Paris St-Germain (PSG) அணியின் தாக்குதல் ஆட்டக்காரர் பிராட்லி பர்கோலாவை (Bradley Barcola) ஒப்பந்தம் செய்ய £123 மில்லியன் வரை மதிப்பிலான தொகையில் லிவர்பூல் (Liverpool) அணி உடன்பாடு எட்டியுள்ளது.
பிரான்ஸ் நாட்டைச் சேர்ந்த 23 வயதான இந்த நட்சத்திர வீரருக்கு PSG ஆரம்பத்தில் £145 மில்லியன் விலை நிர்ணயித்திருந்த போதிலும், முதற்கட்டமாக £106 மில்லியனும், கூடுதல் சலுகைகளாக (add-ons) £17 மில்லியனும் கொண்ட ஒப்பந்தத் தொகுப்பிற்கு லிவர்பூல் சம்மதித்துள்ளது.
ஆன்பீல்ட் (Anfield) மைதானத்தில் நீண்டகால ஒப்பந்தத்தில் கையெழுத்திடுவதற்கு முன்னர், இந்த வார இறுதியில் பர்கோலா மருத்துவப் பரிசோதனைகளுக்கு உட்படுவார் என எதிர்பார்க்கப்படுகிறது.
வலது கால் ஆட்டக்காரரான பர்கோலா இடது விங் பகுதியில் விளையாடுவதையே அதிகம் விரும்புகிறார். இவரது வருகையானது லிவர்பூல் அணியில் கோடி காக்போவின் (Cody Gakpo) எதிர்காலம் குறித்த சந்தேகங்களை அதிகரிக்கும் என எதிர்பார்க்கப்படுகிறது.
நெதர்லாந்து அணியின் இந்த முன்னணி வீரரான காக்போவைக் வாங்குவதற்கு டோட்டன்ஹாம் ஹாட்ஸ்பர் (Tottenham Hotspur) மற்றும் மான்செஸ்டர் சிட்டி (Manchester City) ஆகிய இரு அணிகளும் ஆர்வம் காட்டி வருவதாக பிபிசி ஸ்போர்ட்டிற்கு பல நம்பகமான வட்டாரங்கள் தெரிவித்துள்ளன.
அதேவேளை, பிரைட்டனின் யன்குபா மின்டே (Yankuba Minteh) மற்றும் கிறிஸ்டல் பேலஸின் இஸ்மைலா சார் (Ismaila Sarr) ஆகியோரை வாங்குவதற்கான வாய்ப்புகளையும் ஆராய்ந்த லிவர்பூல், ஒரு வலது விங் வீரரையும் தேடி வருகிறது.
கடந்த இரு கோடைகாலப் பருவங்களில் லூயிஸ் டயஸ் மற்றும் முகமது சாலா ஆகிய இரு முன்னணி நட்சத்திரங்களின் வெளியேற்றத்திற்குப் பிறகு, தமது தாக்குதல் வரிசையைப் பலப்படுத்தும் நோக்கில் பர்கோலாவைத் தனது முதன்மை இலக்காக லிவர்பூல் மாற்றியது.
2023 ஆம் ஆண்டில் லியோன் (Lyon) அணியிலிருந்து £38.5 மில்லியனுக்கு PSGக்கு மாறிய பர்கோலா, அங்கு 3 லீக் 1 பட்டங்கள், 2 சாம்பியன்ஸ் லீக் கோப்பைகள், 2 பிரெஞ்ச் கோப்பைகள் மற்றும் யுஎஃபா சூப்பர் கப், ஃபிஃபா கண்டங்களுக்கு இடையிலான கோப்பை (Intercontinental Cup) ஆகியவற்றை வென்றுள்ளார்.
