வத்திக்கான் வெளிவிவகார அமைச்சர் இலங்கைக்குப் பயணம் மேற்கொள்ளவுள்ளார். எதிர்வரும் நவம்பர் 4 ஆம் திகதி இந்த பயணம் மேற்கொள்ளப்படவுள்ளதாக செய்திகள் வெளியாகியுள்ளன. நாடாளுமன்றத்தில் இன்று கருத்து வெளியிடுகையில் வெளிவிவகார அமைச்சர் விஜித ஹேரத் இந்தத் தகவலை வெளியிட்டார். இவரின் விஜயத்தின்போது இரு நாடுகளுக்கும் இடையில் முக்கிய ஒப்பந்தங்கள் கைச்சாத்திடப்படவுள்ளன. அதேவேளை, ஜெனிவாவில் இலங்கை தொடர்பில் நிறைவேற்றப்பட்ட தீர்மானம் சம்பந்தமாக, வெளிவிவகார அமைச்சுக்குரிய குழுநிலை விவாதத்தின்போது நேரமெடுத்து விவாதிக்கலாம் எனவும் வெளிவிவகார அமைச்சர் குறிப்பிட்டார்.

ரூஹுணு(Ruhuna) பல்கலைக்கழகத்தின் விவசாயப் பீடத்தில் இரண்டு மாணவர் குழுக்களுக்கு இடையில் நடந்த கடும் மோதலில் ஆறு மாணவர்கள் காயமடைந்து வைத்தியசாலையில் அனுமதிக்கப்பட்டுள்ளனர். இந்தச் சம்பவம் தொடர்பாக 20 மாணவர்கள் கைது செய்யப்பட்டுள்ளதாக காவல்துறை தெரிவித்துள்ளது. பல்கலைக்கழக வளாகத்திற்குள் நடந்த இந்தத் திடீர் மோதல் காரணமாக அங்கு பெரும் பதற்றம் ஏற்பட்டது. காயமடைந்த மாணவர்கள் உடனடியாக வைத்தியசாலையில் சிகிச்சைக்காகச் சேர்க்கப்பட்டனர். நிலைமையைக் கட்டுக்குள் கொண்டுவரும் முன்னெச்சரிக்கை நடவடிக்கையாக, பல்கலைக்கழக நிர்வாகம் உடனடியாக இரண்டாம் மற்றும் மூன்றாம் ஆண்டு மாணவர்களை […]