ஹாங்காங்கிலிருந்து 146 பயணிகளுடன் புறப்பட்ட விமானத்தில் அவசரநிலை
ஹாங்காங்கிலிருந்து பப்புவா நியூ கினியாவிற்கு 146 பயணிகள் மற்றும் பணியாளர்களுடன் சென்ற விமானத்தில் இன்று அவசரநிலை ஏற்பட்டுள்ளது.
இதனைத் தொடர்ந்து குறித்த விமானம் தெற்கு பிலிப்பைன்ஸில் உள்ள நகரம் ஒன்றில் தரையிறக்கப்பட்டுள்ளது,
விமானத்தின் இயந்திரத்தில் தீவிபத்து ஏற்படுவதற்கான அறிகுறிகள் தென்பட்டதே இந்த அவசரநிலைக்கு காரணம் என விமானப் போக்குவரத்து அதிகாரிகள் தெரிவித்துள்ளனர்.
ஏர் நியூகினி போயிங் 767-383ER ரக விமானத்திலேயே இந்த அவசரநிலை ஏற்பட்டுள்ளது.
மேலும் சம்பவம் தொடர்பான விசாரணைகள் ஆரம்பிக்கப்பட்டுள்ளதாகவும், விமானிகளிடம் வாக்குமூலம் பதிவு செய்யப்படும் எனவும் அதிகாரிகள் குறிப்பிட்டுள்ளனர்.



