ஹோர்முஸ் ஜலசந்தியை கடக்க முற்பட்ட இரு கப்பல்கள் மீது தாக்குதல்
கடந்த 24 மணி நேரத்தில் ஹோர்முஸ் ஜலசந்தி வழியாகச் சென்றுகொண்டிருந்த இரண்டு சரக்குக் கப்பல்கள் தாக்கப்பட்டுள்ளன.
தாக்கப்பட்ட கப்பல்களில் ஒன்று தீப்பிடித்து மூழ்கியதாகவும், மற்றொரு கப்பலின் அடிப்பாகம் சேதமடைந்ததாகவும் வெளிநாட்டு ஊடகங்கள் செய்தி வெளியிட்டுள்ளன.
சிங்கப்பூரில் பதிவுசெய்யப்பட்ட இரண்டு கப்பல்கள் இவ்வாறு தாக்கப்பட்டுள்ளன.
சம்பந்தப்பட்ட கப்பல்களின் பணியாளர்கள் பாதுகாப்பாக வெளியேற்றப்பட்டுள்ளதாகத் தெரிவிக்கப்பட்டுள்ளது.
இதற்கிடையில், வரும் நாட்களில் சவூதி அரேபியாவின் விமான நிலையங்கள் மற்றும் எண்ணெய் விநியோக மையங்கள் மீது பெரும் தாக்குதல்களைத் தொடுக்கப் போவதாக ஹூதி கிளர்ச்சியாளர்கள் அறிவித்துள்ளனர்.
யேமன் மீதான சவூதி தாக்குதல்களுக்குப் பதிலடியாக இந்தத் தாக்குதல்கள் நடத்தப்படுவதாக ஹூதி கிளர்ச்சியாளர்கள் அறிவித்துள்ளனர்.
