இலங்கை– இந்திய மீனவர் பிரச்சினை தொடர்பான பேச்சுவார்த்தை 25.09.2026 நாளை இந்தியாவில் நடைபெறவிருந்த நிலையில், இந்தியத் தரப்பில் ஏற்பட்ட தவிர்க்க முடியாத காரணங்களினால் குறித்த பேச்சுவார்த்தை பிற்போடப்பட்டுள்ளதாக கடற்றொழில், நீரியல் மற்றும் கடல்வளங்கள் அமைச்சு தெரிவித்துள்ளது. இலங்கை கடற்பரப்பிற்குள் இந்திய மீனவர்கள் எல்லைதாண்டி மீன்பிடியில் ஈடுபடுவது, அவ்வாறு இலங்கை கடற்பரப்பிற்குள் நுழையும் இந்திய மீனவர்கள் கைது செய்யப்படுவது உள்ளிட்ட நீண்டகாலமாக நிலவி வரும் மீனவர் பிரச்சினைகள் தொடர்பில் இரு தரப்பினரும் கலந்துரையாடுவதற்காக இந்தப் பேச்சுவார்த்தை ஏற்பாடு செய்யப்பட்டிருந்தது. […]

ஹட்டன் நகரிலுள்ள முச்சக்கரவண்டி விற்பனை நிலையமொன்றில், எஞ்சின் எண்களைப் போலியாகப் பதித்து விற்பனைக்காக வைக்கப்பட்டிருந்த மூன்று முச்சக்கரவண்டிகளுடன் அதன் உரிமையாளரையும் ஹட்டன் ஊழல் தடுப்புப் பிரிவு அதிகாரிகள் கைது செய்துள்ளனர். செப்டம்பர் 22 ஆம் திகதி சந்தேகத்தின் பேரில் கைது செய்யப்பட்ட சந்தேகநபர், (23) ஆம் திகதி ஹட்டன் நீதவான் பீட்டர் போல் முன்னிலையில் ஆஜர்ப்படுத்தப்பட்டதையடுத்து, அவரை எதிர்வரும் 29 ஆம் திகதி வரை விளக்கமறியலில் வைக்குமாறு உத்தரவிட்டுள்ளார். ஹட்டன் பிரதேசத்தைச் சேர்ந்த நபர் ஒருவர், குறித்த […]

அரசியலமைப்பின் 22 ஆவது திருத்தச்சட்டமூலத்துக்கு எதிராக கொட்டும் மழைக்கு மத்தியிலும் கொழும்பில் பாரிய போராட்டமொன்று முன்னெடுக்கப்பட்டுவருகின்றது. பிரதான எதிர்க்கட்சியான ஐக்கிய மக்கள் சக்தியின் ஏற்பாட்டில் கொழும்பு, பத்தரமுல்ல பொல்துவ சந்தியில் (நாடாளுமன்றத்துக்கு செல்லும் நுழைவாயில் வளாகம்) இப்போராட்டம் இடம்பெற்றுவருகின்றது. பெருமளவானோர் இப்போராட்டத்தில் பங்கேற்றுள்ளனர். இதனால் அப்பகுதியில் கடும் வாகன போக்குவரத்து நெரிசல் ஏற்பட்டுள்ளது. பாதுகாப்பு ஏற்பாடுகளும் செய்யப்பட்டுள்ளன. அரசியலமைப்பின் 22 ஆவது திருத்தச்சட்டமூலம் வேண்டாம் என போராட்டத்தில் ஈடுபட்டவர்கள் கோஷங்களை எழுப்பினர்.