பிரான்ஸில் சூடு பிடிக்கும் தேர்தல் களம் – முக்கிய வாக்குறுதிகளோடு களமிறங்கினார் மெலன்சோன்  

பிரான்ஸில் ஜனாதிபதி தேர்தல் களம் சூடுபிடித்துள்ளது. இந்நிலையில் கடுமையான இடதுசாரி வேட்பாளரான ஜேன்-லூக் மெலன்சோன்  Jean-Luc Melenchon இன்று தனது பிரச்சார பணிகளை ஆரம்பித்துள்ளார்.

பிரான்ஸில் வாழ்க்கை செலவு அதிகரித்து வருவதால் உந்தப்பட்ட போராட்டங்களுக்கு மத்தியில் நடைபெறும் இந்த தேர்தலில் வேட்பாளர்களின் வாக்குறுதிகள் மிக முக்கிய இடத்தை பெற்றுள்ளன.

அந்தவகையில் ஜேன்-லூக் மெலன்சோன் தனது முதல் வாக்குறுதியாக குறைந்தபட்ச ஊதியத்தை உயர்த்தவும்  நாட்டின் ஓய்வூதிய வயதை 60 ஆக மீட்டெடுப்பதாகவும், உறுதியளித்துள்ளார்.

75 வயதான மெலன்சோன், இமரீன் லு பென்னுக்கு  Marine Le Pen முக்கிய போட்டியாளராக கருதப்படுகிறார்.

தேர்தல் வாக்குறுதிக்கு அமைய, 40 ஆண்டுகளாக அமைப்பில் பங்களித்தவர்களுக்கு 60 வயதில் ஓய்வூதியத்தை மீட்டெடுப்பதாக  LFI கூறுகிறது.

நிகர மாதாந்திர குறைந்தபட்ச ஊதியத்தை சுமார் €1480 இலிருந்து €1700 ஆக அதிகரிக்கவும் இந்த திட்டம் அழைப்பு விடுக்கப்பட்டுள்ளது.

பணக்கார குடும்பங்கள் மீதான வரிகளை உயர்த்துதல் உள்ளிட்ட திட்டங்களையும் கொண்டுள்ளது.

மேலும் வெளியுறவுக் கொள்கையில், மெலன்சோனின் திட்டம் நேட்டோ மீதான அவரது நீண்டகால விமர்சனத்தை மீண்டும் வலியுறுத்துகிறது.

அதன் ஒருங்கிணைந்த இராணுவக் கட்டளையிலிருந்து வெளியேறுவதில் தொடங்கி, கூட்டணியில் இருந்து பிரான்ஸ் படிப்படியாக விலக வேண்டும் என்று அழைப்பு  விடுக்கப்பட்டுள்ளமை குறிப்பிடத்தக்கது.