இந்தியாவை வீழ்த்தி T-20 தொடரை சமநிலைப்படுத்தியது மே.தீவுகள்

இந்தியா மற்றும் மேற்கிந்திய தீவுகள் அணிகளுக்கிடையிலான 4 ஆவது T-20 போட்டியில் மேற்கிந்திய தீவுகள் அணி 24 ஓட்டங்களால் வெற்றி பெற்றுள்ளது.

இப்போட்டியில் மேற்கிந்திய தீவுகள் அணியின் தலைவர் ஷாய் ஹோப் சதம் அடித்து அசத்தினார்.

9 சிக்ஸர்கள், 4 பவுணடரிகள் அடங்கலாக 50 பந்துகளுக்கு 102 ஓட்டங்களைப் பெற்று கடைசிவரை ஆட்டமிழக்காமல் களத்தில் நின்றார்.

மேற்கிந்திய தீவுகள் அணி இந்தியாவில் சுற்றுப்பயணம் மேற்கொண்டு விளையாடி வருகிறது.

முன்னதாக, நடைபெற்ற மூன்று போட்டிகள் கொண்ட ஒருநாள் தொடரை இந்தியா 2-1 என்ற கணக்கில் வென்றது.

தற்போது இரண்டு அணிகளும் 5 T-20 போட்டிகள் கொண்ட தொடரில் விளையாடி வருகின்றன. முதல் மூன்று ஆட்டங்களில் 2-1 என இந்தியா முன்னிலை பெற்றது.

இந்நிலையில், நான்காவது T- 20 ஆட்டம் நேற்று (அக்.14) ஹைதராபாத்தில் நடைபெற்றது.

இதில் முதலில் துடுப்பெடுத்தாடிய மே.தீவுகள் அணி, 20 ஓவர்களில் 3 விக்கெட் இழப்புக்கு 247 ஓட்டங்களைப் பெற்றது.

248 என்ற வெற்றி இலக்கை விரட்டிய இந்தியா 19.3 ஓவர்களில் 223 ரன்கள் எடுத்தது. மேற்கிந்திய தீவுகள் அணியின் பந்து வீச்சாளர் கீமோ பால், 5 விக்கெட்டுகளை இந்த ஆட்டத்தில் கைப்பற்றினார்.

24 ரன்களில் மேற்கு இந்தியத் தீவுகள் அணி இந்த ஆட்டத்தில் வெற்றி பெற்றது. இந்த தொடர் இப்போது 2-2 என்ற கணக்கில் சமனில் உள்ளது.

ஏதிர்வரும் 17 ஆம் திகதி பெங்களூருவில் நடைபெறும் 5-வது டி20 ஆட்டத்தில் வெற்றி பெறுகின்ற அணி இந்த தொடரை கைப்பற்றும்.