தொலைத்தொடர்பு இணைப்புத் துண்டிப்பு – அமெரிக்காவில் விமான சேவைகள் இரத்து

அமெரிக்காவின் கிழக்கு கடற்கரை விமான நிலையங்களில் இருந்து புறப்படும் நூற்றுக்கணக்கான விமானங்கள் ரத்து செய்யப்பட்டன அல்லது தாமதமாகின என்று அமெரிக்க அதிகாரிகள் தெரிவித்தனர்.

கட்டுமான பணியின் போது ஏற்பட்ட தொலைத்தொடர்பு இணைப்புத் துண்டிப்பு காரணமாக, இந்நிலை ஏற்பட்டதாக அறிவிக்கப்பட்டுள்ளது.

“நியூ ஜெர்சியில் ஆம்ட்ராக் கட்டுமான பணியாளர்கள் தவறுதலாக ஒரு ஃபைபர் இணைப்பை வெட்டியதால், இந்நிலை ஏற்பட்டதாக விளக்கமளிக்கப்பட்டுள்ளத.

FlightAware-இன் தகவல்படி, சுமார் 1900 GMT மணியளவில், நியூயார்க் நகரப் பகுதியின் முக்கிய மையமான நெவார்க் விமான நிலையத்தில் 168 விமானங்கள் ரத்து செய்யப்பட்டதாகவும்,  97 விமானங்கள் தாமதமாகியதாகவும் தெரிவிக்கப்பட்டுள்ளது.

அதே நேரத்தில் பிலடெல்பியாவில் 63 விமானங்கள் ரத்து செய்யப்பட்டன மற்றும் 189 விமானங்கள் தாமதமாகின.

எவ்வாறாயினும் பிற்பகலுக்குள் முதன்மை அமைப்பு சீரமைக்கப்பட்டுவிடும் என எதிர்பார்ப்பதாகவும், ஆனால் மாற்று மின் இணைப்பைச் சரிசெய்ய 13 மணி நேரம் தேவைப்படும் எனவும் அதிகாரிகள் மதிப்பிட்டுள்ளனர்.