இந்தியா

திருப்பரங்குன்றத்தில் தீபமேற்ற உச்சநீதிமன்றம் அனுமதி – பாதுகாப்பு வழங்க தமிழக அரசுக்கு உத்தரவு

முருகனின் அறுபடை வீடுகளில் ஒன்றான திருப்பரங்குன்றம் மலைமீது உள்ள தீபத்தூணில் கார்த்திகை தீபத்திருநாளன்று விளக்கேற்ற இந்திய உச்சநீதிமன்றம் அனுமதி அளித்துள்ளது.

குறித்த மலையில் தீபம் ஏற்ற கடந்த 2025 ஆம் ஆண்டு மதுரையில் உள்ள உயர்நீதிமன்றம்  உத்தரவு பிறப்பித்தது.

இருப்பினும் அன்று குறித்த தீபம் ஏற்றப்படவில்லை. மாறாக  மலையில் உள்ள உச்சிப்பிள்ளையார் கோவில் அருகே கார்த்திகை தீபம் ஏற்றப்பட்டது.

மேலும், தீபத்தூணில் தீபம் ஏற்றுவதற்கு எதிர்ப்பு தெரிவித்து தமிழக அரசு,  சென்னை உயர் நீதிமன்றத்தில்  மேன்முறையீடு செய்தது.

இதனை விசாரித்த உயர் நீதிமன்றம் தீபம் ஏற்றுவதற்கு ஆதரவாக உத்தரவு பிறப்பித்தது.

இந்நிலையில் உயர் நீதிமன்றத்தின் உத்தரவை எதிர்த்து தமிழக அரசு உச்சநீதிமன்றத்தில் மேன்முறையீடு செய்தது.

குறித்த வழக்கு இன்று அர​விந்த் குமார், விபுல்.எம்.பஞ்​சோலி ஆகிய நீதிபதிகள் முன்னிலையில் விசாரணைக்கு எடுத்துக்கொள்ளப்பட்டது.

வழக்கை விசாரணை செய்த நீதிபதிகள்  திருப்பரங்குன்றம் முருகன் கோவில் மலையில் உள்ள தீபத்தூணில் வரும் 24ம் திகதி கார்த்திகை தினத்தன்று ஒருமுறை தீபமேற்ற உத்தரவு பிறப்பித்துள்ளனர்.

மேலும் இந்த உத்தரவு இறுதியானது அல்ல எனவும், இடைக்கால தீர்ப்பாகவே இந்த உத்தரவை பிறப்பிப்பதாகவும் அறிவித்துள்ளனர்.

அதேநேரம் தீபத்தூணில் தீபம் ஏற்ற போதிய பாதுகாப்பு வழங்க வேண்டும் என்று தமிழக அரசு உத்தரவிட்டுள்ளதுடன், தேவைப்பட்டால் மத்திய தொழிற்பாதுகாப்புப்படையினரையும் பாதுகாப்புக்கு பயன்படுத்திக்கொள்ள அனுமதியளித்துள்ளது.

VD

About Author

You may also like

இந்தியா செய்தி

இலங்கையில் உணவின்றி தவிக்கும் குடும்பங்கள்

இலங்கையின் மொத்த சனத்தொகையில் 59 வீதமான குடும்பங்கள் தேவையான உணவைப் பூர்த்தி செய்ய இயலவில்லை என தெரியவந்துள்ளது. அண்மையில் டுபாயில் நடைபெற்ற சர்வதேச கருத்தரங்கு ஒன்றில் இந்த
இந்தியா செய்தி

இலங்கையில் விமான டிக்கெட்டுக்கின் விலை குறைப்பு!

இலங்கையில் விமான டிக்கெட்டுக்களுக்கான விலை குறைக்கப்பட்டுள்ளது. இதன்படி ஐந்து சதவீதத்தினால் விமான டிக்கெட்டுக்களின் விலையை குறைக்க தீர்மானித்துள்ளதாக தெரிவிக்கப்பட்டுள்ளது. டொலருக்கு நிகராக இலங்கை ரூபாவின் பெறுமதி அதிகரிப்பே