தமிழக பாஜக தலைவராகிறார் சரத்குமார்?
சட்டமன்றத் தேர்தலில் தமிழக பாஜக எதிர்பார்த்த வெற்றியை பெற தவறியதைத் தொடர்ந்து, தற்போதைய தலைவர் நயினார் நாகேந்திரன் மாற்றப்படலாம் என தமிழக் ஊடகங்கள் செய்தி வெளியிட்டுள்ளன.
மத்திய அமைச்சர் எல்.முருகன் பதவியை ராஜினாமா செய்ததால் அவர் மீண்டும் பாஜக மாநிலத் தலைவராக நியமிக்கப்படலாம் எனவும் கூறப்படுகின்றது.
ஆனால் பாஜகவில் ஏறகனவே மாநிலத் தலைவராகப் பணியாற்றியவர்களை மீண்டும் அதே பதவியில் அமர்த்துவது இல்லை என்பதால், புதிய முகங்களுக்கு வாய்ப்பு வழங்கப்படலாம் எனக் கூறப்படுகின்றது.இ
அந்த வகையில், நடிகர் சரத்குமார், முன்னாள் எம்எல்ஏ வானதி சீனிவாசன் ஆகியோரின் பெயர்கள் தீவிரப் பரிசீலனையில் இருப்பதாக கட்சி வட்டாரங்கள் தெரிவிக்கின்றன.
எனினும், வானதி சீனிவாசன் ஆந்திர மாநிலத்தின் இணைப் பொறுப்பாளராக நியமிக்கப்பட்டுள்ளதால், ஒரு மாநிலத்துக்குப் பொறுப்பில் உள்ளவர் மற்றொரு மாநிலத்தின் தலைவராக நியமிக்கப்படமாட்டார்.
தற்போதைய தமிழக அரசியல் களம் விஜய், உதயநிதி, தனுஷ் என நடிகர்களைச் சுற்றியே நகர்ந்து வருவதால், பொதுமக்களிடையே ஏற்கனவே நன்கு பரிச்சயமான ஒரு முகத்தை மாநிலத் தலைவராகக் கொண்டுவந்தால் கட்சிப் பணிகளையும் தேர்தல் வியூகங்களையும் எளிதாகக் கொண்டு செல்ல முடியும் என்று பாஜக மேலிடம் கருதுவதாகக் கூறப்படுகிறது.
அதன்படி, நடிகர் சரத்குமாரை தமிழக பாஜக தலைவராகநியமிக்க அதிக வாய்ப்புகள் உள்ளதாகத் தகவல்கள் வெளியாகியுள்ளன.
