ஹோர்முஸ் ஜலசந்தி விவகாரத்தில் ஒருவழியாக உடன்பாட்டிற்கு வந்த ஈரான் – ஓமான்

ஹோர்முஸ் ஜலசந்திக்கான கப்பல் வழித்தட வரைபடம் குறித்து ஈரான் ஓமானுடன் ஒரு உடன்பாட்டை எட்டியுள்ளதாக தகவல் வெளியாகியுள்ளது.

இருப்பினும் அந்த ஒப்பந்தம் இன்னும் இறுதி செய்யப்படவில்லை என்று ஈரான் வெளியுறவு அமைச்சகத்தின் செய்தித் தொடர்பாளர் இஸ்மாயில் பாகாயி (Esmaeil Baghaei) தெரிவித்துள்ளார்.

அமெரிக்காவின் தடைகள் இருந்தபோதிலும்” கடந்த மூன்று வாரங்களாகப் பேச்சுவார்த்தைகள் சாதகமான முன்னேற்றத்தைக் கண்டுள்ளதாகவும் எஞ்சிய பிரச்சினைகள் குறித்து இரு தரப்பினரும் தற்போது பேச்சுவார்த்தை நடத்தி வருவதாகவும் அவர் குறிப்பிட்டுள்ளார்.

இந்த ஏற்பாடு, இரு நாடுகளின் இறையாண்மையைப் பாதுகாக்கும் அதே வேளையில், ஜலசந்தி வழியாகப் பாதுகாப்பான பயணத்தை உறுதி செய்வதை நோக்கமாகக் கொண்ட ஒரு சுதந்திரமான ஒப்பந்தம் என்றும் அவர் விவரித்துள்ளார்.

மேலும், இந்த செயல்முறை இறுதி செய்யப்படும் வரை பரிமாற்றங்கள் தொடரும் என்றும் அவர் கூறினார்.