ஹுதிகளின் தாக்குதல் – சவுதியில் போர் விமானங்களை நிலைநிறுத்திய பாகிஸ்தான்

யேமனின் ஹூதி கிளர்ச்சியாளர்கள் சவூதி அரேபியா மீது நடத்தும் தாக்குதல்களைத் தடுப்பதற்காக, பாகிஸ்தான் போர் விமானங்களை நிலைநிறுத்தியுள்ளதாக வெளிநாட்டு ஊடக அறிக்கைகள் தெரிவிக்கின்றன.

சவூதி அரேபியா, பாகிஸ்தான் மற்றும் துருக்கி ஆகிய நாடுகளுக்கு இடையேயான முத்தரப்பு பாதுகாப்பு ஒப்பந்தமான ‘மக்கா ஒப்பந்தம்’ நடைமுறைக்கு வந்த சில நாட்களுக்குப் பிறகு இது செயல்படுத்தப்பட்டுள்ளதாக கூறப்படுகிறது.

அமெரிக்க பாதுகாப்பு புலனாய்வு முகமையின் முன்னாள் மூத்த ஆய்வாளரான கர்னல் டேவிட் ஓ. ஸ்மித், சுமார் 8,000 பாகிஸ்தான் வீரர்களைக் கொண்ட ஒரு படைப்பிரிவு தற்போது சவூதி அரேபியாவில் நிலைநிறுத்தப்பட்டுள்ளதாகக் கூறியுள்ளார்.

இந்தக் குழுவில் பாகிஸ்தான் விமானப்படை மற்றும் இராணுவ வான் பாதுகாப்புப் படையைச் சேர்ந்த வீரர்கள் உள்ளனர், மேலும் சவூதி எண்ணெய் உள்கட்டமைப்பின் பாதுகாப்பை உறுதி செய்வதே இவர்களின் முக்கியப் பணியாகும்.

இருப்பினும், ஈரானுடனான தூதரக உறவுகளைப் பேணுவதற்காக, ஈரான் ஆதரவு ஹூதிகளுடன் பாகிஸ்தான் துருப்புகள் நேரடிப் போரில் ஈடுபடப் போவதில்லை என்று கூறப்படுகிறது.

யேமனில் தரைவழி நடவடிக்கைகளுக்காகத் தங்கள் துருப்புகளை நிலைநிறுத்தும் எண்ணம் இல்லை என்று ஒரு பாகிஸ்தான் இராணுவ அதிகாரி தெரிவித்துள்ளார்.

மாறாக, ஹூத்தி கிளர்ச்சியாளர்களால் ஏற்படும் ஆளில்லா விமான மற்றும் ஏவுகணை அச்சுறுத்தல்களை முறியடிக்க பாகிஸ்தான் வான்வழி ஆதரவை வழங்கி வருவதாகக் கூறப்படுகிறது.