7 நாள் போர் நிறுத்தம் முடிவுக்கு வந்ததையடுத்து, இஸ்ரேலுக்கும் ஹமாஸ் அமைப்பினருக்கும் இடையே மீண்டும் மோதல்கள் தொடங்கியுள்ளதாகத் தெரிவிக்கப்படுகிறது. காசாவில் இருந்து இஸ்ரேலை நோக்கி ராக்கெட்டுகள் ஏவப்பட்டதாகவும், அந்த ராக்கெட்டுகளை இஸ்ரேல் ராணுவம் சுட்டு வீழ்த்தியதாகவும் சர்வதேச ஊடகங்கள் தெரிவித்துள்ளன. நேற்று (30.11) வரை இஸ்ரேலால் கடத்தப்பட்ட 110 பணயக்கைதிகளும், இஸ்ரேல் சிறைகளில் அடைக்கப்பட்டிருந்த 240 பாலஸ்தீனியர்களும் விடுவிக்கப்பட்டுள்ளனர். இதற்கிடையில், காசா பகுதியில் உள்ள இலக்குகள் மீது வான்வழித் தாக்குதல் நடத்தியதாக இஸ்ரேல் பாதுகாப்புப் படை தெரிவித்துள்ளது.

காசாவில் போர் நிறுத்தத்தை மேலும் நீட்டிக்க வேண்டும் என முயற்சிகள் மேற்கொள்ளப்பட்டு வருகின்றது. இதற்கான பேச்சுவார்த்தையில் ஈடுபட்டு வரும் மத்தியஸ்தர்களான எகிப்து மற்றும் கத்தார் நாடுகள் வலியுறுத்தி உள்ளன. போர் நிறுத்தம் முடிவடையும் நிலையில், காசாவில் வசிப்பவர்கள் என்ன நடக்குமோ என்ற அச்சத்தில் இருப்பதாக அங்கிருந்து வரும் தகவல்கள் தெரிவிக்கின்றன. இதனிடையே மேற்கு ஜெருசலேம் பேருந்து நிலையத்தில் நடந்த துப்பாக்கிச் சூட்டில் மூன்று பேர் கொல்லப்பட்டனர், 16 பேர் காயமடைந்தனர். கொல்லப்பட்ட இரண்டு பேர் தங்களது அமைப்பினர் […]