சுவிட்சர்லாந்து – வடகொரியா வெளியுறவு அமைச்சர்களுக்கு இடையில் கலந்துரையாடல்

சுவிட்சர்லாந்தின் வெளியுறவுத்துறை அமைச்சர் இக்னாசியோ காசிஸ் Ignazio Cassis, வடகொரியாவின் வெளியுறவுத்துறை அமைச்சர் சோ சன் ஹுயியைப் Choe Son Hui  பியோங்யாங்கில் சந்தித்துப் பேச்சுவார்த்தை நடத்தியுள்ளார்.

சுவிட்சர்லாந்தின் தூதரக அலுவலகத்தை மீண்டும் அதிகாரப்பூர்வமாகத் திறப்பதற்காக பியோங்யாங்கிற்கு சென்றிருந்த அவர் இந்த சந்திப்பை மேற்கொண்டுள்ளார்.

இரு நாடுகளுக்கும் இடையிலான அரசியல் உறவுகளை முறைப்படுத்துவது மற்றும் அரசியல் உரையாடல்களை மீண்டும் தொடங்குவது குறித்து இருநாட்டு தலைவர்களும் இதன்போது விவாதித்துள்ளனர்.

கொரிய தீபகற்பத்தின் பாதுகாப்பு மற்றும் யூரேசிய பிராந்தியத்தில் உள்ள பரந்த பாதுகாப்பு சவால்கள் குறித்தும் இந்தச் சந்திப்பில் விவாதிக்கப்பட்டதாக தெரிவிக்கப்பட்டுள்ளது.

பியோங்யாங்கில் உள்ள இந்த அலுவலகம், பெய்ஜிங்கில் உள்ள சுவிஸ் தூதரகத்தின் கீழ் இயங்குகின்றமை குறிப்பிடத்தக்கது.