ஹோர்முஸ் நீரிணையில் 03 கப்பல்கள் தீப்பிடித்து எரிந்ததாக அறிவிப்பு

ஹோர்மூஸ் நீரிணையில் அங்கீகரிக்கப்படாத பாதையை பயன்படுத்தி பயணிக்க முயன்ற மூன்று எண்ணெய் கப்பல்கள்  வெடி விபத்துக்கு உள்ளாகி தீப்பிடித்து எரிந்ததாக  அறிவிக்கப்பட்டுள்ளது.

ஈரானின் புரட்சிகர காவல் படையின் (IRGC) கடற்படை இன்று இதனை அறிவித்துள்ளது.

2 மில்லியன் பீப்பாய் கச்சா எண்ணெயைச் ஏற்றிச் சென்ற டேங்கர் கப்பல்களில் ஒன்று, கண்ணிவெடி ஒன்றின் மீது மோதியே இந்த விபத்து நேர்ந்ததாக சுட்டிக்காட்டப்பட்டுள்ளது.

மேலும், ஹோர்முஸ் நீரிணையின் கிழக்குப் பகுதியில் அமெரிக்காவிற்குச் சொந்தமான ஆளில்லா கப்பல் ஒன்றை தாங்கள் அழித்ததாகவும் ஈரான் தெரிவித்துள்ளது.

அமெரிக்க இராணுவத்திடமிருந்து இது குறித்த உடனடி உறுதிப்படுத்தல் எதுவும் கிடைக்கவில்லை என ரொய்டரஸ் செய்தி வெளியிட்டுள்ளமை குறிப்பிடத்தக்கது.