சிவராசா அனோஜன் தொடர்பான பேச்சுவார்த்தைகளுக்காக சவூதி சென்றது இலங்கை குழு

இலங்கை பிரஜையான சிவராசா அனோஜன் என்பவருக்கு விதிக்கப்பட்ட மரண தண்டனையை குறைப்பது அல்லது மாற்றுவது தொடர்பான பேச்சுவார்த்தைகளில் ஈடுபடுவதற்காக, சட்ட நிபுணர்களைக் கொண்ட இலங்கை குழுவொன்று சவூதி அரேபியாவுக்குச் சென்றுள்ளது.

இலங்கை சட்ட நிபுணர் குழுவில் பின்வருவோர் அடங்குகின்றனர்:

(i) மொஹமட் ஃபைசர் முஸ்தபா – நாடாளுமன்ற உறுப்பினர் மற்றும் ஜனாதிபதி சட்டத்தரணி;

(ii) நீதிபதி எம்.டி. மொஹமட் லஃபார் – ஜெட்டாவிற்கான இலங்கையின் துணைத் தூதுவர் (Consul General);

(iii) ஹபீஸ் அஸார்ட் நவாவி (PC) – மேலதிக சொலிசிட்டர் ஜெனரல், சட்டமா அதிபர் திணைக்களம்;

(iv) கே.ஏ. உப்புல் இந்திக குமாரப்பெரும – ஜனாதிபதி சட்டத்தரணி;

(v) ஃபாரிஸ் ஃபசல் அப்துல் ஹஃபீல் மொஹமட் – சட்டத்தரணி; மற்றும்

(vi) மொஹமட் ரியாஸ்தீன் சில்மி – நாடாளுமன்ற உறுப்பினர் ஃபைசர் முஸ்தபாவின் ஒருங்கிணைப்புச் செயலாளர்.

மதநிந்தனை  குற்றச்சாட்டின் கீழ் சவுதி அரேபியாவில் கைதுசெய்யப்பட்ட அனோஜனுக்கு அங்கு மரண தண்டனை விதிக்கப்பட்டுள்ளதாக செய்திகள் வெளியாகியுள்ளமை குறிப்பிடத்தக்கது.