கினியாவில் குப்பை மேடு சரிந்து விழுந்து விபத்து – 30 பேர் உயிரிழப்பு

கினியாவின் தலைநகரான கொனாக்ரியில் Conakry,  கனமழையால்  குப்பை மேடு சரிந்து விழுந்ததில், 30 பேர் உயிரழந்துள்ளதுடன், மேலும்  22 பேர் காயமடைந்துள்ளதாக தெரிவிக்கப்பட்டுள்ளது.

கெபெசியா Gbessia  கம்யூனில் உள்ள டார் எஸ் சலாம் Dar Es Salam திறந்தவெளி குப்பைக்கிடங்கில் இந்த நிலச்சரிவு ஏற்பட்டது.

இதனால், அருகிலுள்ள கூடாரங்கள், குடிசைகள் மற்றும் ஒரு அடுக்குமாடிக் கட்டிடம் மீது கழிவுகள் கொட்டப்பட்டதாக கூறப்படுகிறது.

இடிந்து விழுந்த குப்பைகளுக்கு அடியில் புதைந்திருந்தவர்களைக் கண்டறிய, அவசரகாலப் பணியாளர்கள் தேடுதல் மற்றும் மீட்பு நடவடிக்கைகளை ஆரம்பித்துள்ளனர்.

மக்களுக்கு வெளியேற்ற அறிவிப்புகள் அனுப்பப்பட்ட போதிலும் பல குடும்பங்கள் அங்கேயே தங்கியிருப்பதாகவும்  கூறப்படுகிறது.

இந்தப் பேரழிவைத் தொடர்ந்து, பாதிக்கப்பட்ட குடியிருப்பாளர்களுக்கு அரசாங்க உதவியும், மீள்குடியேற்றமும் வழங்கப்படும் என்று பிராந்திய நிர்வாக அமைச்சர் டியனபோ டூரே Dienabou Touré உறுதியளித்துள்ளார்.