தெற்கு லெபனானில் இஸ்ரேல் நடத்திய வான்வழித் தாக்குதலில்   13 பேர் கொல்லப்பட்டுள்ளதாக அறிவிக்கப்பட்டுள்ளது. இறந்தவர்களில் இரண்டு பெண்களும் ஒரு குழந்தையும் அடங்குவதாக லெபனான் சுகாதார அமைச்சகம் தெரிவித்துள்ளது. அத்துடன் இந்தத் தாக்குதலில் 32 பேர் காயமடைந்துள்ளதாகவும் தெரிவிக்கப்பட்டுள்ளது. போர் நிறுத்தம் நீட்டிக்கப்பட்ட போதிலும், ஹிஸ்புல்லா போராளிகளுக்கும் இஸ்ரேலுக்கும் இடையே கடுமையான சண்டை இடம்பெற்று வருகின்றமை குறிப்பிடத்தக்கது.

பெருவில் இடம்பெற்ற பொதுத் தேர்தல் முடிவு தொடர்பில் “விரிவான மற்றும் முழுமையான தகவல் தொழில்நுட்பத் தணிக்கை” நடத்த வேண்டும் என அந்நாட்டின் தேசிய தேர்தல் ஆணையம் கோரிக்கை விடுத்துள்ளது. இது தொடர்பில் நேற்று அறிக்கையொன்றை வெளியிட்ட தேர்தல் ஆணையம் தேர்தலின் முதல் கட்டத்தின் இறுதி முடிவுகள் இன்னும் தெளிவாக கிடைக்கப்பெறவில்லை என்றும் குறிப்பிட்டுள்ளது. மேலும் 97.5% வாக்குகள் எண்ணப்பட்ட நிலையில், வாக்கு எண்ணிக்கை இன்னும் முழுமையடையவில்லை. ஜூன் மாதம் நடைபெறும் இரண்டாம் கட்டத் தேர்தலில், பழமைவாத முன்னணியாளரான […]