அணு ஒப்பந்தம் குறித்த அமெரிக்கா–ஈரான் பதற்றம் மீண்டும் அதிகரிப்பு

அமெரிக்கா மற்றும் இரான் இடையிலான அணு ஒப்பந்த விவகாரம் மீண்டும் தீவிரமடைந்துள்ளது.

போர் நிறுத்தம் அல்லது புதிய ஒப்பந்தம் எட்டப்பட்டால், ஈரான் யுரேனியம் செறிவூட்டலை முழுமையாக நிறுத்த வேண்டும் என்று அமெரிக்கா வலியுறுத்தி வருகிறது.

அமெரிக்க ஜனாதிபதி டொனால்ட் ட்ரம்ப், ஈரான் அணு ஆயுதம் பெறக்கூடாது என்று தொடர்ந்து கூறி வருவதுடன், அதனைத் தடுக்கும் வகையில் நடவடிக்கைகள் எடுத்ததாகவும் தெரிவிக்கப்படுகிறது.

இதற்கு பதிலாக, ஈரான் தங்கள் அணு திட்டம் முழுமையாக குடிமைப் பயன்பாட்டுக்காக மட்டுமே எனவும், மின்சாரம் மற்றும் மருத்துவ தேவைகளுக்காக யுரேனியம் செறிவூட்டப்படுவதாகவும் கூறுகிறது.

தற்போது ஈரானிடம் 60 சதவீதம் வரை செறிவூட்டப்பட்ட யுரேனியம் இருப்பதாக ஐ.நா. அணுசக்தி கண்காணிப்பு அமைப்பு தெரிவித்துள்ளது. இது அதிக அளவில் இருந்தால் அணு ஆயுதங்கள் தயாரிக்கக்கூடிய நிலையை உருவாக்கும் என நிபுணர்கள் எச்சரிக்கின்றனர்.

2015 ஆம் ஆண்டு ஏற்பட்ட வரலாற்று அணு ஒப்பந்தத்தில் செறிவூட்டல் 3.67 சதவீதமாக கட்டுப்படுத்தப்பட்டது. ஆனால் 2018 ஆம் ஆண்டு அமெரிக்கா அந்த ஒப்பந்தத்திலிருந்து விலகியதால் தற்போதைய பதற்றம் அதிகரித்துள்ளது.