கச்சா எண்ணெய் விலையில் சரிவு – வெனிசுலாவிற்கு ஜாக்பொட்!

உலக சந்தையில் கச்சா எண்ணெய் விலை சரிவைக் காட்டியுள்ளது.

அதன்படி, ஒரு பேரல் WTI கச்சா எண்ணெயின் விலை 101.9 அமெரிக்க டொலராகவும், ஒரு பேரல் ப்ரெண்ட் கச்சா எண்ணெயின் விலை 108.2 அமெரிக்க டொலராகவும் பதிவாகியுள்ளது.

மேலும், ஒரு பேரல் மர்பான் கச்சா எண்ணெயின் விலை 103.8 அமெரிக்க டொலராகப் பதிவாகியுள்ளது.

இதற்கிடையில், அமெரிக்கா, இந்தியா மற்றும் ஐரோப்பாவிற்கான ஏற்றுமதிகள் துரிதப்படுத்தப்பட்டதால், வெனிசுலாவின் எண்ணெய் ஏற்றுமதி அதிகரித்துள்ளதாக வெளிநாட்டு ஊடக அறிக்கைகள் தெரிவித்துள்ளன.

ஏப்ரல் மாதத்தில் வெனிசுலாவின் எண்ணெய் ஏற்றுமதி ஒரு நாளைக்கு 1.23 மில்லியன் பேரல்களாக அதிகரித்துள்ளதாக சுட்டிக்காட்டப்பட்டுள்ளது.

அதன்படி, 2018-ஆம் ஆண்டுக்குப் பிறகு பதிவான மிக உயர்ந்த மதிப்பு இதுவாகும் என்றும் அந்த ஊடக அறிக்கைகள் கூறியுள்ளன.