முன்னாள் ஜனாதிபதி கோட்டாபய ராஜபக்ஷ தன்மீது விதிக்கப்பட்டுள்ள வெளிநாட்டு பயணத் தடையை நீக்கக் கோரி நீதிமன்றத்தில் மனுத்தாக்கல் செய்துள்ளார். கொழும்பு கோட்டை நீதவான் நீதிமன்றத்தில் இந்த மனு தாக்கல் செய்யப்பட்டுள்ளது. குறித்த மனுவில் ருத்துவத் தேவைகளுக்காக வெளிநாடு செல்வதற்கு அனுமதி கோரப்பட்டுள்ளதாக தெரியவருகிறது. தற்போது ராஜபக்ஷ மீது விதிக்கப்பட்டுள்ள பயணத் தடையை தற்காலிகமாகத் தளர்த்துமாறு இந்த விண்ணப்பத்தின் மூலம் கோரப்பட்டுள்ளது.
ஜெர்மன் நாடாளுமன்ற உறுப்பினர்கள் புகையிலை மீதான கணிசமான வரி உயர்வுக்கு ஒப்புதல் அளித்துள்ளனர். இதன் காரணமாக, இந்த தசாப்தத்தின் இறுதிக்குள் சிகரெட் பாக்கெட்டுகளின் விலை 11 யூரோவை தாண்டக்கூடும் எனத் தெரிவிக்கப்பட்டுள்ளது. இது 2027 மற்றும் 2030-க்கு இடையில் அரசுக்கு €12 பில்லியனுக்கும் அதிகமான வருவாயை ஈட்டித் தரும் என எதிர்பார்க்கப்படுகிறது. இதேவேளை குளிர்பானங்கள் மீதான புதிய சர்க்கரை வரி ஜூலை 2027 முதல் அமலுக்கு வரும். கூட்டாட்சி சுகாதாரக் காப்பீட்டு மானியங்களில் ஏற்படும் குறைப்புகளை ஈடுசெய்யவும், […]
உக்ரைனுடனான எல்லையை ஒட்டிய உக்ரைன் பகுதியில் ரஷ்யா ஒரு “பாதுகாப்பு மண்டலத்தை” உருவாக்கி வருகிறது என்றும், எதிர்காலத்தில் உக்ரைனுடன் நடைபெறக்கூடிய எந்தவொரு பேச்சுவார்த்தையிலும் இது குறித்து விவாதிக்கப்பட மாட்டாது என்றும் ரஷ்ய ஜனாதிபதி விளாடிமிர் புட்டின் தெரிவித்துள்ளார். க்ரைன் 2024-25 காலகட்டத்தில் ரஷ்யாவின் மேற்குப் பகுதியான குர்ஸ்க் பிராந்தியத்திற்குள் ஊடுருவியதற்குப் பதிலடியாகவே இந்த நடவடிக்கை மேற்கொள்ளப்பட்டுள்ளதாகவும் அவர் மேலும் தெரிவித்துள்ளார். இது தொடர்பில் தொலைகாட்சியில் அவர் ஆற்றிய உரையில், “எதிரிகளை நமது நிலத்திலிருந்து வெளியேற்றுவது மட்டுமல்லாமல், எல்லையை […]
ஜெர்மன் மற்றும் போர்த்துகல் ஆகிய நாடுகள் உக்ரைனுக்கான தங்களது ஆதரவை இன்று மீண்டும் உறுதிப்படுத்தின. ரஷ்யா தனது தாக்குதல்களைத் தீவிரப்படுத்துவதன் மூலம் பேச்சுவார்த்தை நடத்த விருப்பம் காட்டவில்லை என்றும் அந்நாடுகளின் அமைச்சர்கள் தெரிவித்துள்ளனர். இது தொடர்பில் கருத்து வெளியிட்ட போர்த்துகல் அமைச்சர், இந்தக் கடினமான புவிசார் அரசியல் சூழ்நிலையில், நாங்கள் ஒரு பொதுவான பார்வையைப் பகிர்ந்து கொள்கிறோம் எனத் தெரிவித்துள்ளார். இதேவேளை “தற்போதைய சூழ்நிலையில் ஆக்கிரமிப்பாளரான புதினுக்கு இடமளிப்பது முற்றிலும் தவறான சமிக்ஞையாக இருக்கும் என்பதை நாங்கள் […]
காசா சமூக ஆர்வலர்களை நடத்திய விதம் தொடர்பாக, இஸ்ரேலிய பாதுகாப்பு அமைச்சர் Israel Katz , சிரேஷ்ட ராணுவ, காவல்துறை மற்றும் சிறைத்துறை அதிகாரிகளுக்கு எதிராக இத்தாலியில் விசாரணை ஆரம்பமாகியுள்ளதாக வழக்கறிஞர்கள் வெள்ளிக்கிழமை தெரிவித்துள்ளனர். 2025 மற்றும் 2026 ஆம் ஆண்டுகளில் காசாவை நோக்கிச் சென்ற சிறிய படகுக் குழுக்களை இஸ்ரேலியப் படைகள் இடைமறித்தபோது, சித்திரவதை, கடத்தல், தனிநபர் காயம், கொள்ளை மற்றும் சேதம் விளைவித்தல் போன்ற குற்றங்கள் புரிந்ததாக சந்தேகிக்கப்படும் வழக்கு இதுவென்று இத்தாலி அரசு […]
லண்டனில் பேருந்து கட்டணங்கள் அதிகரிக்கப்பட்டுள்ளன. இதற்கமைய பெரியவர்களுக்கான ஒருவழிப் பேருந்து மற்றும் டிராம் கட்டணங்கள் 10 பென்ஸ் அதிகரித்து £1.85 ஆக உயரும் என அறிவிக்கப்பட்டுள்ளது. இது தொடர்பில் பயணிகளுக்கு மின்னஞ்சல் அனுப்பப்பட்டுள்ளது. அதில் திருத்தப்பட்ட இந்த விலையில் ‘ஹாப்பர் கட்டணம்’ அடங்கும் என்று தெரிவிக்கப்பட்டுள்ளது. இதன்மூலம் வாடிக்கையாளர்கள் பேருந்துகள் மற்றும் டிராம்களில் ஒரு மணி நேரத்திற்குள் வரம்பற்ற பயணங்களுக்கு ஒரே கட்டணத்தில் பயணிக்க முடியும் எனத் தெரிவிக்கப்பட்டுள்ளது. இதற்கிடையில், தகுதியான சலுகை அட்டைகளைக் கொண்டவர்களுக்கான கட்டணங்கள் […]
தலைநகர் கீவ் உட்பட உக்ரைனின் பல பகுதிகளில் ரஷ்யா நடத்திய தாக்குதல்களில் மூன்று பேர் கொல்லப்பட்டுள்ளனர். ரஷ்யா நடத்திய ஏவுகணை மற்றும் ஆளில்லா விமானத் தாக்குதல்களில் மேலும் பலர் காயமடைந்துள்ளதாக வெளிநாட்டு ஊடகங்கள் செய்தி வெளியிட்டுள்ளன. இந்தத் தாக்குதல்களால் பல கட்டிடங்களும், மின்சார விநியோக அமைப்புகளும் சேதமடைந்துள்ளதாகத் தெரிவிக்கப்பட்டுள்ளது. இதன் விளைவாக, சுமார் 370,000 வீடுகளுக்கு மின்சாரம் துண்டிக்கப்பட்டுள்ளதாகத் தெரிவிக்கப்பட்டுள்ளது.
நாடாளுமன்றம் ஒக்டோபர் 20 ஆம் திகதி முதல் 23ஆம் திகதி வரை கூடவிருப்பதாக நாடாளுமன்றம் செயலாளர் நாயகம் குஷானி ரோஹணதீர தெரிவித்தார். சபாநாயகர் வைத்தியர் ஜகத் விக்கிரமரத்ன தலைமையில் இன்று (16) இடம்பெற்ற நாடாளுமன்ற அலுவல்கள் பற்றிய குழுக் கூட்டத்தில் அடுத்த நாடாளுமன்ற அமர்வு வாரத்திற்கான அலுவல்கள் பற்றிய தீர்மானங்கள் எடுக்கப்பட்டன. ஒக்டோபர் 20ஆம் திகதி செவ்வாய்க்கிழமை மு.ப 11.30 மணி முதல் மு.ப 5.30மணி வரை எதிர்க்கட்சியினால் கொண்டுவரப்படும் சபை ஒத்திவைப்புப் பிரேரணை மீதான விவாதத்திற்கு […]
தலைநகர் டெல்லியில் உள்ள கனாட் பிளேஸ் பகுதியில் போராட்டக்காரர்கள் தேசியக் கொடியைக் ஏந்தியவாறு மூவர்ணக் கொடிப் பேரணியை (Tiranga Rally) நடத்தியுள்ளனர். தலைமைத் தேர்தல் ஆணையர் ஞானேஷ் குமார் பதவி விலகக் கோரி CJP அமைப்பினர் இன்று (அக். 16) மாலை டெல்லி சென்ட்ரல் பார்க்கில் ‘மூவர்ணக் கொடி’ பேரணிக்கு அழைப்பு விடுத்திருந்தனர். இதன் முக்கிய நிர்வாகிகளான சவுரவ் தாஸ் மற்றும் அசுதோஷ் ரங்கா ஆகியோர் ஏற்கனவே கைது செய்யப்பட்டதைக் கண்டித்து இப்பேரணி அறிவிக்கப்பட்டிருந்தது. போராட்டத்தில் கலந்துகொள்ளச் […]
இந்தோனேசியாவின் கிழக்கு ஜாவாவில் ஏற்பட்ட காட்டுத்தீயில் சிக்கி நால்வர் உயிரிழந்துள்ளதுடன், மேலும் இருவர் காயமடைந்துள்ளனர். ஒரு தசாப்தத்திற்கும் மேலாக இல்லாத அளவுக்கு மிக மோசமான காட்டுத்தீயுடன் இந்தோனேசியா போராடி வருகிறது. காட்டுத்தீ காரணமாக ஏற்பட்டுள்ள புகை வளிமாசடைவை ஏற்படுத்தியுள்ளதுடன், மக்களின் இயல்பு வாழ்க்கையையும் பாதித்துள்ளது. மேலும் இந்த காட்டுத்தீ காரணமாக சுமார் 900,000 ஹெக்டேர் நிலம் எரிந்து சாம்பலாகியுள்ளதாகவும் அறிவிக்கப்பட்டுள்ளது. அத்துடன் இந்த அனர்த்த நிலைமை காரணமாக தேசியப் பேரிடரை அறிவித்து, நீர் குண்டு வீசும் ஹெலிகாப்டர்களைப் […]
