இஸ்ரேலுடன் விளையாட அயர்லாந்து கால்பந்து அணி வீரர் கடும் எதிர்ப்பு

ஞாயிற்றுக்கிழமை (27) நடைபெறவுள்ள போட்டியில் இஸ்ரேல் அணியுடன் விளையாடுவதற்கு தனது பகிரங்க எதிர்ப்பை பதிவு செய்த முதல் அயர்லாந்து குடியரசு (Republic of Ireland) கால்பந்து வீரராக ஜேசன் நைட் (Jason Knight) மாறியுள்ளார்.

இரு அணிகளுக்கும் இடையிலான இந்தப் போட்டி ஹங்கேரியின் டெப்ரெசென் (Debrecen) நகரில் பிரித்தானிய நேரப்படி இரவு 7:45 மணிக்கு நடைபெறவுள்ளது.

அதனைத் தொடர்ந்து, மறுமுறை மோதும் போட்டி அக்டோபர் 4 அன்று செர்பியாவின் பாக்கா தோபோலாவில் (Backa Topola) நடைபெற உள்ளது.

இரு அணிகளும் பிரிவு பி3-இல் (Group B3) இடம்பெற்றது முதல், காசாவில் தொடர்ந்து நடைபெற்று வரும் போர் காரணமாக இப்போட்டிகளிலிருந்து அயர்லாந்து விலக வேண்டும் என்ற கோரிக்கைகள் வலுத்து வருகின்றன.

மேலும், ‘Stop The Game’ (போட்டியை நிறுத்துங்கள்) என்ற பிரச்சாரமும் அங்கு தீவிரமடைந்துள்ளது.

இந்நிலையிலேயே Jason Knight தனது முடிவை அறிவித்துள்ளார்.

பிரிஸ்டினாவில் நடைபெற்ற கோசோவோவுக்கு எதிரான போட்டியில் 1-0 என்ற கோல் கணக்கில் அயர்லாந்து தோல்வியடைவதற்கு முன் பேசிய அணியின் தற்காலிகத் தலைவர் தாரா ஓஷே (Dara O’Shea),

இஸ்ரேலுக்கு எதிரான போட்டி குறித்து வீரர்கள் வெள்ளிக்கிழமை கூடி விவாதிப்பார்கள் என்று உறுதிப்படுத்தினார்.

கடந்த 2023 அக்டோபர் 7 அன்று பாலஸ்தீன ஆயுதக் குழுவான ஹமாஸ், இஸ்ரேல் மீது நடத்திய தாக்குதலில் சுமார் 1,200 பேர் கொல்லப்பட்டதுடன் 251 பேர் பிணைக்கையாலிகளாகப் பிடித்துச் செல்லப்பட்டனர்.

அதற்குப் பதிலாக, இஸ்ரேல் காசாவில் மிகப்பெரிய இராணுவத் தாக்குதலைத் தொடங்கியது.

ஐக்கிய நாடுகள் சபையினால் (UN) நம்பகமானதாகக் கருதப்படும் காசாவின் சுகாதார அமைச்சகத் தகவல்களின்படி, இந்த மோதலில் இதுவரை 73,000-க்கும் மேற்பட்டோர் கொல்லப்பட்டுள்ளனர்.