புட்டின், ட்ரம்ப்பை தொடர்ந்து கிம் ஜாங் உன்னை சந்திக்கும் ஷி ஜின்பிங்!

சீன அதிபர் ஷி ஜின்பிங் ( Xi Jinping) அடுத்த வாரம் வடகொரியாவிற்கு உத்தியோகப்பூர்வ விஜயம் ஒன்றை மேற்கொள்ளவுள்ளதாக தகவல் வெளியாகியுள்ளது.

சீன ஜனாதிபதி சமீபத்தில் அமெரிக்க ஜனாதிபதி டொனால்ட் ட்ரம்ப், மற்றும் ரஷ்ய ஜனாதிபதி புட்டின் ஆகியோரை சந்தித்ததை தொடர்ந்து வடகொரிய தலைவரை சந்திக்கவுள்ளார்.

ஷி ஜின்பிங்கின் இந்தப் பயணம், கிம் ஜாங் உன் மற்றும்  ட்ரம்ப் ஆகியோருக்கு இடையேயான பேச்சுவார்த்தைகளை மீண்டும் தொடங்குவதற்கான ஒரு உந்துதலை உள்ளடக்கியிருக்கும் என எதிர்பார்ப்பதாக  தென்கொரியா குறிப்பிட்டுள்ளது.

இந்தப் பயணம் உறுதி செய்யப்பட்டால் கடந்த 07 ஆண்டுகளில் ஷி   மேற்கொள்ளும் முதல் வெளிநாட்டு பயணமாக இருக்கும்.

வட கொரியா சமீபத்திய ஆண்டுகளில் சீனாவுடனான தனது உறவுகளை மேம்படுத்தியுள்ளதுடன், ரஷ்யாவுடனான தனது மூலோபாய உறவுகளையும் ஆழப்படுத்தியுள்ளமை குறிப்பிடத்தக்கது.