இயல்பு வாழ்க்கையை நெருக்கடிக்கு தள்ளிய போர் – திண்டாடும் மக்கள்

அமெரிக்காவுடனான எட்டு மாத காலப் போர், ஈரானில் பல தசாப்தங்களில் காணப்படாத மிக மோசமான பணவீக்கத்தை ஏற்படுத்தியுள்ளது.

இதனால் மக்களின் வருமானம் குறைந்து, பல குடும்பங்கள் கடும் நெருக்கடி நிலைக்கு  தள்ளப்பட்டுள்ளன.

இந்த நெருக்கடியின் தாக்கம் நாட்டின் முக்கிய நகரங்களைத் தாண்டி, பிற பகுதிகளிலும் எதிரொலித்துள்ளதாக தெரிவிக்கப்பட்டுள்ளது.

பிப்ரவரி 28 அன்று அமெரிக்கா மற்றும் இஸ்ரேல் ஈரானின் மீது நடத்திய தாக்குதல்கள், அதைத் தொடர்ந்து தெஹ்ரான் ஹோர்முஸ் நீரிணையை மூடியது மற்றும் வளைகுடாப் பகுதியில் உள்ள ஈரானியத் துறைமுகங்களை அமெரிக்கா முற்றுகையிட்டது போன்ற நிகழ்வுகள், உலகளாவிய பொருளாதாரத்தையே ஆட்டம் காண வைத்துள்ளது.

குறிப்பாக எண்ணெய் ஏற்றுமதி தடைப்பட்டது ஏற்கனவே பொருளாதார அழுத்தத்தில் இருக்கும் ஈரானுக்கு பெரும் சுமையை ஏற்படுத்தியுள்ளது.

அதிகாரப்பூர்வ மதிப்பீடுகளின்படி, தொழிலாள வர்க்கத்தைச் சேர்ந்த மூன்று பேர் கொண்ட குடும்பமொன்றின் குறைந்தபட்ச மாதாந்திர வாழ்க்கைச் செலவு சுமார் 336 டொலர்களாக உள்ளது.

இது, சந்தை மாற்று விகிதத்தின்படி கணக்கிடப்படும் சராசரி மாதாந்திர ஊதியமான 92 டாலரை விட மூன்று மடங்குக்கும் அதிகமாகும்.

பணவீக்கத்திற்கு ஈடுகொடுக்கும் வகையில் ஊதியங்கள் உயரவில்லை என்பதால், பல குடும்பங்கள் தங்கள் சேமிப்பைக் கரைத்துவிட்டதாகவும் ரொய்டர்ஸ் நடத்திய ஆய்வில் தெரியவந்துள்ளமை குறிப்பிடத்தக்கது.