இலங்கை : உணவு கொள்வனவு செய்ய வந்த வெளிநாட்டவரை அச்சுறுத்தியவருக்கு பிணை!
கொழும்பு அளுத்கடை பகுதியில் உணவு வாங்க வந்த வெளிநாட்டவரை அச்சுறுத்திய குற்றச்சாட்டில் கைது செய்யப்பட்ட வர்த்தகரை பிணையில் விடுவிக்க கொழும்பு நீதவான் நீதிமன்றம் உத்தரவிட்டுள்ளது.
அதாவது 50,000 ரூபா ரொக்கப் பிணையிலும் 10 இலட்சம் ரூபா சரீரப் பிணையிலும் அவரை விடுவிக்க நீதிமன்றம் உத்தரவு பிறப்பித்துள்ளது.
சம்பவம் குறித்து மேலும் தெரியவருவதாவது, அளுத்கடை பகுதியில் உள்ள வீதி உணவகம் ஒன்றில் உணவு வாங்க வந்த வெளிநாட்டவர் ஒருவரை துஷ்பிரயோகம் செய்து துன்புறுத்திய சம்பவம் தொடர்பில் கடை உரிமையாளரை கெசல்வத்தை பொலிஸார் நேற்று (16.04) கைது செய்துள்ளனர்.
வெளிநாட்டவர் ஒரு கொத்து ரொட்டியின் விலையை கேட்டபோது, 1,900 ரூபா என்று கூறியபோது கடை உரிமையாளர் அதனை வாங்க மறுத்ததாகவும், கடை உரிமையாளர் அவரை அச்சுறுத்தியதாகவும் பொலிஸார் தெரிவித்தனர்.
இச்சம்பவம் தொடர்பான காணொளி ஒன்று சமூகவலைத்தளங்களில் இந்த நாட்களில் பரவிவருவதுடன், அந்த காணொளியின் அடிப்படையில் மேற்கொள்ளப்பட்ட முதற்கட்ட விசாரணைகளின் அடிப்படையில் சந்தேகநபரை பொலிஸார் கைது செய்துள்ளனர்.
கொழும்பு 12 இல் வசிக்கும் 51 வயதுடைய ஒருவரே இவ்வாறு கைது செய்யப்பட்டுள்ளார்.
(Visited 3 times, 1 visits today)
