அமெரிக்காவை தாக்கும் சக்திவாய்ந்த புயல் – 04 கோடிமக்களுக்கு வெளியேற்ற உத்தரவு

சக்திவாய்ந்த புயல் ஒன்று வடகிழக்கு அமெரிக்காவில் தாக்கம் செலுத்தும் என்றும் இதன்காரணமாக மழை மற்றும் வெள்ளம் ஏற்படும் எனவும் எச்சரிக்கை விடுக்கப்பட்டுள்ளது.

மேற்படி புயல் நிலைமை காரணமாக  04 கோடிக்கும் அதிகமான மக்கள் வெளியேற தயாராக வேண்டும் எனவும் அறிவுறுத்தப்பட்டுள்ளது.

‘நார்’ஈஸ்டர்’ என்று பெயரிடப்பட்ட இந்தப் புயலினால்  நியூயார்க், பாஸ்டன் மற்றும் பிலடெல்பியா ஆகிய நகரங்கள் பாதிக்கப்பட்டுள்ளன.

இதேவேளை புயல் நிலைமை காரணமாக கிழக்குக் கடற்கரையோரம் மணிக்கு 100 கி.மீ-க்கும் அதிகமான வேகத்தில் காற்று வீசக்கூடும் என எச்சரிக்கப்பட்டுள்ளது.

இந்நிலையில் பாதுகாப்புக் கவலைகள் காரணமாக, நியூயார்க்கில் நடைபெறவிருந்த குளோபல் சிட்டிசன் திருவிழா மற்றும் மேரிலாந்தில் நடைபெறவிருந்த ஓஷன்ஸ் காலிங் உள்ளிட்ட பல திறந்தவெளித் திருவிழாக்களும் ரத்து செய்யப்பட்டன.

அமெரிக்க ஃபெடரல் ஏவியேஷன் அட்மினிஸ்ட்ரேஷன், விமானப் பயணிகள் தங்களது பயணப் புதுப்பிப்புகளுக்குத் தங்கள் இணையதளத்தைப் பார்க்குமாறு அறிவுறுத்தியுள்ளது.