தென்கொரியாவில் 32 வாகனங்களுடன் மோதி பேருந்து விபத்து – 50இற்கும் மேற்பட்டோர் காயம்
தென் கொரியாவில் பயணிகள் பேருந்து ஒன்று பல வாகனங்களுடன் மோதி விபத்துக்குள்ளாகியுள்ளது.
இந்த கோர விபத்து இன்று காலை சியோங்னாம் (Seongnam) நகரில் இடம்பெற்றுள்ளது.
இதில் 57 பேர் படுகாயம் அடைந்ததாக தெரிவிக்கப்படுகிறது. அவர்களில் ஒன்பது பேருக்கு பலத்த காயம் ஏற்பட்டுள்ளது.
இருப்பினும், யாருடைய உயிருக்கும் ஆபத்தான நிலை இல்லை எனக் குறிப்பிடப்பட்டுள்ளது.
சுமார் 32 வாகனங்கள் மீது குறித்த பேருந்து மோதியதாக அதிகாரிகள் தெரிவித்துள்ளனர்.
பேருந்தின் பிரேக்குகள் செயலிழந்துவிட்டமையே விபத்துக்கான காரணம் என முதற்ககட்ட தகவல்கள் வெளியாகியுள்ளன.
சம்பவம் தொடர்பான மேலதிக விசாரணைகள் முன்னெடுக்கப்பட்டு வருகின்றன.
