“கள்ளன், பொலிஸ்” விளையாட்டு அரசியலுக்கு என்பிபி ஆட்சியில் முற்றுப்புள்ளி

தேசிய மக்கள் சக்தி அரசாங்கத்தின் மாபெரும் மக்கள் பேரணி குருணாகல், நிகவரெட்டியில் நடைபெற்றது. இதில் கலந்துகொண்டு உரையாற்றிய ஜனாதிபதி அநுர குமார திஸாநாயக்க, ஊழல் மற்றும் மோசடிகளுக்கு எதிராகத் தமது அரசாங்கம் முன்னெடுத்து வரும் கடுமையான நடவடிக்கைகள் குறித்துப் பொதுமக்களுக்குத் தெளிவுபடுத்தினார்.

சிறு வயதில் விளையாடும் ‘திருடன் – பொலிஸ் விளையாட்டை உதாரணமாகக் கூறி, நாட்டின் அரசியல் வரலாற்றை மிகவும் எளிய முறையில் அவர் விளக்கினார்.

சிறுவயதில் நாம் கிராமங்களில் ‘திருடன் – பொலிஸ்’ விளையாட்டு விளையாடியது நினைவிருக்கலாம். சிறார்கள் ஒன்று கூடி, பூவா தலையா போட்டுப் பார்த்துச் சிலர் பொலிஸாராகவும், சிலர் திருடர்களாகவும் பிரிந்து விளையாடுவார்கள். திருடர்கள் ஒளிந்துகொள்வார்கள், பொலிஸார் அவர்களைத் தேடிக் கண்டுபிடிப்பார்கள்.” – என்றார்.