சோமாலிலாந்துக்கான முதல் தூதரை நியமித்தது இஸ்ரேல்!

இஸ்ரேலிய அரசாங்கம் சோமாலிலாந்துக்கான (Somaliland) தனது முதல் தூதரை நேற்று நியமித்துள்ளது.

கென்யாவிற்கான இஸ்ரேலிய தூதராகப் பணியாற்றிய மைக்கேல் லோடெமின் (Michael Lotem) புதிய தூதராக நியமிக்கப்பட்டுள்ளார்.

இதன் மூலம் 30 ஆண்டுகளுக்கும் மேலான தூதரகத் தனிமைப்படுத்தலுக்கு முற்றுப்புள்ளி வைத்து, சோமாலிலாந்தை அங்கீகரித்த உலகின் முதல் நாடாக இஸ்ரேல் மாறியுள்ளது.

இஸ்ரேலின் இந்நடவடிக்கையை வரவேற்றுள்ள அந்நாட்டின் ஜனாதிபதி  அப்திரஹ்மான் முகமது அப்துல்லாஹி (Abdirahman Mohamed Abdullahi), நாடாளுமன்றத்தின் கூட்டுக் கூட்டத்தில், இஸ்ரேல் தன்னை ஒரு “நம்பகமான கூட்டாளி” என்று நிரூபித்துள்ளது என்று குறிப்பிட்டுள்ளார்.

எவ்வாறாயினும் இஸ்ரேலின் மேற்படி நடவடிக்கையை கண்டித்து சோமாலியாவின் வெளியுறவு அமைச்சகம் அறிக்கையொன்றை வெளியிட்டுள்ளமை குறிப்பிடத்தக்கது.