ஸ்வீடனில் 25 ஆண்டுகளில் காணாத அளவு கடுமையான குளிர் பதிவாகியுள்ளது. தட்பம் உறைநிலைக்குக் கீழ் 43.6 டிகிரி செல்சியஸ் பதிவானது. தெற்கு பகுதியில் கடும் பனிப்பொழிவு நீடிப்பதால் நெடுஞ்சாலையில் ஏராளமான வாகனங்கள் சிக்கியுள்ளன. சாலையை மறைக்கும் அளவுக்கு பனி காணப்படுவதால் வாகனங்களை நிறுத்திவிட்டு ஓட்டுநர்கள் காத்திருக்கும் நிலை ஏற்பட்டுள்ளது. பனிப்பொழிவில் சிக்கி உள்ளவர்களை மீட்கும் பணியில் போக்குவரத்து போலீசார் ஈடுபட்டுள்ளனர். சாலையில் தேங்கியுள்ள பனியை அகற்றிவிட்டு போக்குவரத்தை சீராக்கவும் நடவடிக்கை எடுத்துள்ளனர்.  

நேட்டோ மற்றும் உக்ரைன் அதிகாரிகளுக்கு இடையிலான விசேட சந்திப்பு அடுத்த வாரம் நடைபெறவுள்ளது. இந்த விசேட கூட்டம் அடுத்த வாரம் புதன்கிழமை நடைபெறும் என நேட்டோவின் செயலாளர் நாயகம் அறிவித்துள்ளார். இந்த சந்திப்பு  தூதுவர் மட்டத்தில் நடைபெறும் என்று கூறப்படுகிறது. அண்மையில் உக்ரைன் பொதுமக்கள் மற்றும் நகரங்கள் மீது ரஷ்ய ஏவுகணை மற்றும் ஆளில்லா விமானம் தாக்குதல் நடத்தியதைத் தொடர்ந்து உக்ரைனின் வேண்டுகோளுக்கு இணங்க இந்த கலந்துரையாடல் இடம்பெற்றதாக வெளிநாட்டு செய்திகள் மேலும் தெரிவிக்கின்றன.

வடகொரியாவில் தயாரிக்கப்பட்ட பாலிஸ்டிக் ஏவுகணைகளை உக்ரைன் போரில் ரஷ்யா பயன்படுத்தியதாக அமெரிக்கா தெரிவித்துள்ளது. இந்த விடயத்தில் ஐக்கிய நாடுகள் சபையின் பாதுகாப்புச் சபை கவனம் செலுத்தி, ஆயுதங்களைக் கொண்டு செல்வதற்கு வசதியாக இருப்பவர்கள் மீது கூடுதல் தடைகளை விதிப்பதில் கவனம் செலுத்தும் என அமெரிக்க தேசிய பாதுகாப்பு சபையின் பேச்சாளர் ஜோன் கார்பி தெரிவித்துள்ளார். ரஷ்யாவும் வடகொரியாவும் ஆயுதங்களைப் பயன்படுத்துவதாக அமெரிக்கா முன்பு தெரிவித்திருந்தது. 900 கிலோமீட்டர் தூரம் வரை தாக்கக்கூடிய வடகொரியாவின் தானியங்கி ஏவுகணைகளை ரஷ்யா […]