யாழ்ப்பாணத்தில் இருந்து புலம்பெயர்ந்து சுவிஸ் நாட்டில் வசிக்கும் பெண்ணை திருமணம் செய்வதாக கூறி சுமார் 50 இலட்ச ரூபாயை மோசடி செய்ததாக பொலிஸ் உத்தியோகஸ்தர் ஒருவர் மீது முறைப்பாடு செய்யப்பட்டுள்ளது. யாழ்ப்பாணத்தை சேர்ந்த பெண்ணொருவர் புலம்பெயர்ந்து சுவிஸ் நாட்டில் வசித்து வருகின்றார். அவருக்கு திருமணமாகி பிள்ளைகள் உள்ள நிலையில் சுவிஸ் நாட்டில் கணவனை பிரிந்து பிள்ளைகளுடன் வாழ்ந்து வருகின்றார். இந்நிலையில் கடந்த சில வருடங்களுக்கு முன்னர் குறித்த பெண் யாழ்ப்பாணம் வந்திருந்த போது , பெண்ணின் பூர்வீக […]

கொழும்பு – கோட்டை தொடருந்து நிலையத்தில் விபத்துக்குள்ளான தொடருந்தின் இயந்திர இயக்குநர், விசாரணைகள் நிறைவடையும் வரை சேவையிலிருந்து இடைநிறுத்தப்பட்டுள்ளார். தொடருந்து பிரதி பொது முகாமையாளர் என். ஜே இந்திபொலகே இதனைத் தெரிவித்துள்ளார். சிலாபம் நோக்கிப் புறப்படுவதற்காக நேற்று பிற்பகல் கொழும்பு – கோட்டை தொடருந்து நிலையத்துக்கு பிரவேசித்த தொடருந்து ஒன்று முதலாவது மேடையுடன் மோதி விபத்துக்குள்ளானது. இந்த விபத்து தொடர்பில் விசாரணை மேற்கொள்வதற்காக குழுவொன்று நியமிக்கப்பட்டுள்ளதாகவும், தொடருந்து பிரதி பொது முகாமையாளர் என். ஜே இந்திபொலகே தெரிவித்துள்ளார்.

இலங்கைக்கான வெங்காய ஏற்றுமதி தடையை இந்திய அரசாங்கம் நீக்கியுள்ளதாக கொழும்பில் உள்ள இந்திய உயர்ஸ்தானிகராலயம் தெரிவித்துள்ளது. இந்தியாவின் வெளிநாட்டு வர்த்தக பொது இயக்குனரகத்தின் அறிவிப்பின்படி 10,000 மெட்ரிக் டன் வெங்காயம் ஏற்றுமதி செய்ய இலங்கைக்கு வெங்காய ஏற்றுமதிக்கு அனுமதி வழங்கப்பட்டுள்ளது. இலங்கைக்கான விலக்கு இந்தியாவின் அண்டை நாடு முதல் கொள்கையை மீண்டும் வலியுறுத்தியது. இந்தியாவின் தடையால் இலங்கையில் வெங்காயத்தின் விலை வரலாறு காணாத வகையில் உயர்ந்திருந்தது.

எதிர்வரும் ஜனாதிபதித் தேர்தலில் போட்டியிடுமாறு தமக்கு பல தரப்பினரிடமிருந்து கோரிக்கைகள் வந்துள்ளதாக நீதியமைச்சர் கலாநிதி விஜயதாச ராஜபக்ஷ தெரிவித்துள்ளார். ஸ்ரீலங்கா சுதந்திரக் கட்சியின் மத்திய குழுவை பிரதிநிதித்துவப்படுத்தும் பெரும்பான்மையான உறுப்பினர்கள் இது தொடர்பில் கோரிக்கை விடுத்துள்ளதாக அமைச்சர் குறிப்பிட்டார். இதன்படி ஜனாதிபதித் தேர்தலில் போட்டியிடுவது குறித்து அடுத்த சில வாரங்களில் தீர்மானம் எடுப்பதாக ஊடகவியலாளர்களின் கேள்விக்கு பதிலளிக்கும் போது விஜயதாச ராஜபக்ஷ இதனை தெரிவித்துள்ளார்.