வளைகுடாவில் புதிய கட்டுப்பாட்டு மண்டலத்தை நிறுவும் ஈரான்

எதிர்வரும் நாட்களில் வளைகுடாவில் ஒரு புதிய கட்டுப்பாட்டு மண்டலத்தையும், ஹோர்முஸ் ஜலசந்தி வழியாக  புதிய கப்பல் வழித்தடத்திற்கான வரைபடங்களையும் அறிவிக்கப்போவதாக ஈரான் கூறியுள்ளது.

புதிய கட்டுப்பாட்டு மண்டலம், ஈரான் மீதான அமெரிக்கத் தடை தொடங்கும் இடத்திலிருந்து தொடங்கி வளைகுடாவின் பிற பகுதிகளுக்கும் விரிவடையும் என்றும்  அறிவிக்கப்பட்டுள்ளது.

ஈரானின் உச்ச தேசியப் பாதுகாப்பு மன்றத்தின் செயலாளர் மொஹ்சென் ரெஸாயி Mohsen Rezaei , நேற்று இந்த தகவலை வெளியிட்டார்.

இந்தத் திட்டம் குறித்த விவரங்கள் குறைவாகவே வழங்கப்பட்டுள்ளன.

ஆனால் புதிய மண்டலத்திற்குள் நுழையும் எந்தவொரு கப்பலும் தடைகள் பட்டியலில் சேர்க்கப்படும் என்றும் ரெஸாயி திட்டவட்டமாக குறிப்பிட்டுள்ளார்.

இதேவேளை ஈரான் மீதான அமெரிக்க-இஸ்ரேலியத் தாக்குதல்கள் போரைத் தூண்டிய ஆறு மாதங்களுக்குப் பிறகு, இந்த மோதல் ஒரு முட்டுக்கட்டையில் இருப்பதாகத் தெரிகிறது.

ஜூன் மாதம் எட்டப்பட்ட ஒரு தற்காலிக போர்நிறுத்த ஒப்பந்தம் முறிந்துவிட்டது, மேலும் அமைதிப் பேச்சுவார்த்தையை மீண்டும் சரியான பாதையில் கொண்டு வருவதற்கான இராஜதந்திர முயற்சிகளில் சிறிதளவே முன்னேற்றம் ஏற்பட்டுள்ளது.