ஹர்ஷ டி சில்வாவுக்கு நிதி அமைச்சு பதவி?
“நிதி அமைச்சு பதவியை பெறுவதற்காக கலாநிதி ஹர்ஷ டி சில்வா அரசாங்கத்துடன் இணையவுள்ளார் என வெளியாகும் தகவலில் உண்மை இல்லை. அவர் ஐக்கிய மக்கள் சக்தியுடனேயே பயணிப்பார்.”
இவ்வாறு ஐமசவின் பிரதம நிறைவேற்று அதிகாரியான அஜித் பி பெரேரா எம்.பி. தெரிவித்தார்.
இது தொடர்பில் அவர் மேலும் கூறியவை வருமாறு ,
“நிதி அமைச்சு பதவியை பெறுமாறு ஹர்ஷ டி சில்வாவுக்கு அழைப்பு விடுக்கப்படவில்லை. அவ்வாறு வழங்கப்பட்டாலும் அதனை ஏற்கும் நிலைப்பாட்டில் அவர் இல்லை.
ரணில் விக்கிரமசிங்க அழைத்தபோதுகூட மக்கள் ஆணைக்கு புறம்பாக ஹர்டி டி சில்வா செயல்படவில்லை. அவர் ஐக்கிய தேசியக் கட்சியுடனேயே பயணிப்பார்.
அதேவேளை, எரான் விக்கிரமரத்ன கிரிக்கெட் சபையில் பதவியேற்றதை எமது கட்சி அங்கீகரிக்கவில்லை. கட்சியில் வகித்த பதவிகளை அவர் துறந்திருந்தாலும், கட்சி உறுப்புரிமையில் இருந்து விலகவில்லை.” – என்றார்.
