பிறப்பு விகித சரிவை சமாளிக்க பிரான்ஸ் வகுத்துள்ள புதிய திட்டம் – பெற்றோருக்கு விசேட விடுமுறை

பிறப்பு விகிதத்தை அதிகரிக்கும் நோக்கில் பிரான்ஸில் பெற்றோர்களுக்கு ஊதியத்துடன் கூடிய விடுமுறை வழங்கப்படும் திட்டம் ஆரம்பித்து வைக்கப்பட்டுள்ளது.

இந்த திட்டமானது பிரான்ஸ் ஜனாதிபதி இமானுவேல் மக்ரோனால் நேற்று முன்தினம் பூர்வாங்கமாக ஆரம்பித்து வைக்கப்பட்டது.

குறைந்து வரும் பிறப்பு விகிதம் மற்றும் மகப் பேறின்மை என்பவற்றை எதிர்த்துப் போராடுவதற்கான திட்டத்தை ஜனாதிபதி மக்ரோன் 2024 இல் வெளியிட்டார்.

இதற்கமைய தாய்மாரும் தந்தையரும் தங்களுக்கு ஏற்கனவே கிடைக்கப்பெற்றுள்ள உரிமைகளுக்கு மேலாக ஒன்று அல்லது இரண்டு மாதங்கள் மேலதிகமாக விடுமுறை வழங்கப்பட்டுள்ளது.

விடுமுறை காலத்தின்போது  முதல் மாதத்தில் தங்கள் நிகர சம்பளத்தில் 70 சதவீதத்தையும், இரண்டாவது மாதத்தில் 60 சதவீதத்தையும் பெற்றோர் பெற்றுக்கொள்ளவும்  வழிவகை செய்யப்பட்டுள்ளது.

இந்த திட்டம் முன்னதாக தாய்க்கு நான்கு மாதங்களுக்கும் குறைவாகவும், தந்தைக்கு பிரசவத்திற்க பின்  28 நாட்களும் வழங்கப்பட்டிருந்தமை குறிப்பிடத்தக்கது