பிரான்ஸ் விமான நிறுவனங்களுக்கு சலுகை!
விமான எரிபொருள் விலை அதிகரித்துள்ளதால் பிரான்ஸ் அரசாங்கம் தனது நாட்டு விமான நிறுவனங்களுக்கு நிதி உதவி வழங்கத் திட்டமிட்டுள்ளது.
எரிபொருள் தட்டுப்பாடும் விலை ஏற்றமும் ஐரோப்பாவின் விமானப் போக்குவரத்து சேவையைப் பாதிக்கக்கூடும் என்ற அச்சம் நிலவுகிறது.
இதனைச் சமாளிக்க வரிச் சலுகைகள் மற்றும் சமூகப் பாதுகாப்பு கட்டணங்களைச் செலுத்துவதில் கால அவகாசம் போன்ற சலுகைகளை வழங்க பிரான்ஸ் போக்குவரத்து அமைச்சர் முன்வந்துள்ளார்.
ஐரோப்பா தனது எரிபொருள் தேவைக்கு அதிகளவில் மத்திய கிழக்கையே நம்பியிருப்பதால், இந்தச் சூழல் ஒரு பெரிய பொருளாதாரச் சவாலாக உருவெடுத்துள்ளது.
கோடைக்கால விமானப் பயணங்களில் பாதிப்பு ஏற்படாமல் இருக்கவும், விமான நிறுவனங்களின் நிதி நெருக்கடியைக் குறைக்கவும் பிரான்ஸ் அரசாங்கம் இந்த ஆதரவு நடவடிக்கைகளை மேற்கொள்கிறது.
