ஓய்வை அறிவித்தார் கிறிஸ்டியானோ ரொனால்டோ

சர்வதேச கால்பந்து விளையாட்டு போட்டிகளில் இருந்து ஓய்வு பெறுவதாக கால்பந்து உலகின் ஜாம்பவான் கிறிஸ்டியானோ ரொனால்டோ Cristiano Ronaldo அறிவித்துள்ளார்.

41 வயதான கிறிஸ்டியானோ ரொனால்டோ 2003 ஆம் ஆண்டு கால்பந்து உலகில் தடம்பதித்தார்.

தற்போதுவரை தனது நாட்டுக்காக 234 போட்டிகளில் விளையாடி 146 கோல்களை அடித்துள்ளார். இவை இரண்டுமே உலக சாதனைகளாகும்.

டென்மார்க்கிற்கு எதிரான நேஷன்ஸ் லீக் போட்டியில் தான் தொடக்க ஆட்டக்காரராகக் களமிறங்க மாட்டேன் என்று தெரிவிக்கப்பட்டதைத் தொடர்ந்து, செப்டம்பர் மாதம் அவர் போர்ச்சுகல் அணியின் முகாமிலிருந்து வெளியேறினார்.

இந்நிலையில் இன்ஸ்டாகிராம் காணொளி ஒன்றில் பேசிய ரொனால்டோ, “போர்த்துகீசிய மக்களே, நமது தேசிய அணியின் ஏழாம் எண் கொண்ட சீருடையை ஒப்படைப்பதற்கான நாள் வந்துவிட்டது,” என்று கூறினார்.

இந்த சீருடை எனக்கு மட்டுமே சொந்தமானது என்று நான் ஒருபோதும் கருதவில்லை. ஆனால், கடந்த 23 ஆண்டுகளாக இதை அணிவதற்கும், இதைக் காப்பதற்கும், உலகம் முழுவதிலும் உள்ள மைதானங்களுக்கு எடுத்துச் செல்வதற்கும் எனக்குக் கிடைத்த வாய்ப்பையும் பொறுப்பையும் நான் பெருமையாகக் கருதுகிறேன்.”

“இன்று, இந்தச் சீருடையை அடுத்த தலைமுறையிடம் ஒப்படைக்க வேண்டிய நேரம் வந்துவிட்டது. இது எளிதான முடிவு அல்ல.  ஏனெனில் சில முடிவுகள் வெறும் அறிவால் மட்டும் எடுக்கப்படுவதில்லை, அவை இதயத்திலிருந்தும் எடுக்கப்படுகின்றன.”

“ஆகஸ்ட் 2003-ல் தொடங்கி, என் வாழ்க்கையையே முற்றிலுமாக மாற்றிய அந்தப் பயணம் இப்போது முடிவுக்கு வருகிறது.” எனத் தெரிவித்துள்ளார்.